ЗЕМЈОДЕЛЦИТЕ НИЗ ЕВРОПА НЕ СЕ ОТКАЖУВААТ: Блокирани неколку гранични премини

Добивај вести на Viber

Протестирајќи против даночните оптоварувања, зголемените трошоци, евтиниот увоз и бирократијата, земјоделците блокираа неколку гранични премини меѓу Белгија и Холандија, но и од Белгија кон Германија, објавија белгиските и холандските автомобилски клубови.

Граничниот премин во правец на Антверпен, вториот по големина град во Белгија и дом на второто по големина пристаниште во Европа, е еден од блокираните премини, се вели во објавата на платформата Х.

Локалните медиуми објавија дека повеќето од демонстрантите дошле од Белгија, а некои од нив биле Холанѓани.

Farmers have blocked several border crossings between Belgium and the Netherlands, Belgian and Dutch traffic centres said todayhttps://t.co/xlycUNko2n

— RTÉ News (@rtenews) February 2, 2024

Во западна Белгија, земјоделците веќе неколку дена ги блокираат камионите да влезат или да излезат од пристаништето Зибриж, кое е дел од пристаништето Антверпен-Бриж, а фламанската телевизија VRT објави дека речиси 2.000 камиони се заглавени.

Од истите причини незадоволни се и земјоделците во другите делови на Европа, со протести забележани во Германија, Полска, Грција, Португалија и Романија.

Демонстрантите ги изложија тензиите околу влијанието врз земјоделството на напорите на ЕУ за справување со климатските промени, како и отворањето на вратата за евтиниот украински увоз за да им се помогне на воените напори на Киев, пренесува N1.