Земјоделците побарале 80 милиони евра европски пари, државата ги ограничила само на 12
Објавено во: Економија 27 Октомври, 2021
Од барања на земјоделците за повеќе од 80 милиони евра, пари кои претежно ги нуди Европската унија како грантови, при обработката на барањата од јавните повици за ИПАРД програмата во 2020 биле одобрени само помалку од 12 милиони, покажува извештајот за минатаta година на Агенцијата за финансиска поддршка на земјоделството и руралниот развој. Дел од вината за ваквиот скромен учинок превзема и самата агенција, која со преку 100 милиони евра годишно го субвенционира производството во земјоделството и работи под Министерство за земјоделство, шумарство и водостопанство.
На првиот повик чии предмети биле обработувани во 2020 пристигнале 261 барање за 44 милиони евра. Биле одбиени 160 барања, а доделени биле грантови од само 3,1 милиони евра. Вториот ИПАРД оглас минал поуспешно - биле поднесени барања од земјоделците за 16,7 милиони евра, а добиле само 8,5. Затоа пак третиот повик минал неславно и преку 748 апликации биле побарани 21 милиони евра, а биле одобрени само 44 илјади евра. Од Агенцијата велат дека оваа програма е со важност за уште три години и дека и понатаму ќе се одобруваат апликациите кои застанале во 2020.
Самата агенција констатира дека се пристигнати многу поголем број на барања во однос на претходните огласи и се многу поголеми во однос на човечките, односно кадровските капацитети што ги има секторот за одобрување на проекти. Само барањата кои се предмет на комплетна документација се предмет на обработка, но од таму велат дека тоа е затоа што има недоволен човечки капацитет за извршување на сите предвидени активности и недоволно обучен кадар. Дополнително, обработката на предметите доцнела и поради Ковид-19, односно поради одлуката голем број од вработените да не доаѓаат на работа. Договорите навремено во 2020 биле склучени само за два огласи, од трите повици.
Во 2020 преку ИПАРД програмата во која Европската унија, заедно со помало учество од државата, доделува грантови за македонското земјоделство, биле исплатени само 357 милиони денари, односно 5,8 милиони евра. Од оваа сума, 268 милиони денари се пари на ЕУ, а остатокот од државата.
Биле исплатени само 453 корисници, а на одобренијата во Агенцијата за финансика поддршка на земјоделството и руралниот развој работеле само неколкумина во секторот.
Од Агенцијата во извештајот за 2020 имат бројни поплаки на редуцираното ниво на поддршка од државата во поглед на контролите на терен, но и на логистичката поддршка од Министерството за земјоделство, шумарство и водостопанство.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
UNIQA Insurance Group AG го продава осигурителниот бизнис во Македонија, Косово и Албанија: Новиот сопственик е Авни Понари сопственик на SIGAL Group Austria
Бизнисот за финансирање има уште само 15 милиони евра пари од странство додека се чека унгарскиот кредит
СТОКАТА СЕ ПОВЕЌЕ СЕ ПРЕНЕСУВА СО КАМИОНИ МЕСТО СО ВАГОНИ – тројно намален превозот по пругите
ДАЛИ ЕТИАС ГАРАНТИРА ВЛЕЗ ВО ЕВРОПА? Ќе се „чешлаат“ апликантите, еве дали ќе добијат дозвола да влезат
„БАЛОНОТ ЌЕ ПУКНЕ“: Познат инвеститор предупредува дека претстои голем колапс на берзата
ОВОЈ ЈУГОСЛОВЕНСКИ МОДЕН ГИГАНТ СЕ СРАМНУВА СО ЗЕМЈА: И Јованка Броз им ги носеше чантите, а имаа 1.300 вработени
БОЖИНОВСКА ГО НАЧЕКАЛА ЕСМ СО МИНУС ОД 80 МИЛИОНИ ЕВРА: Вели дека во МЕПСО бил вработен несоодветен кадар
ДЕКАТЛОН ВО ОФАНЗИВА - ИНВЕСТИРА 100 МИЛИОНИ ЕВРА ЗА ПРОШИРУВАЊЕ ВО ГЕРМАНИЈА: Ќе има над 150 продавници до 2027
Заменик министерот за финансии: Трпиме голем притисок од олигарсите
