Жерновски: Му посакувам на Агатангел побргу да закрепне од Ковид-19, иако фрлаше анатеми врз мене
Објавено во: Македонија 12 Април, 2021
Поранешниот градоначалник на Центар, Андреј Жерновски, се јави со реакција по веста дека владиката Агатангел се лекува од Ковид-19 во приватна клиника и дека е во добра здравствена состојба. Поранешниот заменик-министер за надворешни работи вели дека му посакува добро здравје на владиката на МПЦ-ОА, иако како што вели, тој врз него фрлал анатеми и повикувал на насилство.
„Не сме сите исти, Владико. Иако со години фрлаше анатеми и повикуваше на насилство врз мене, јас ти посакувам брзо да закрепнеш и долго да живееш. Христијани сме, зарем не?“, напиша кратко Жерновски на Фејсбук.
Во 2013 беше организирано насилството врз општина Центар кога Жерновски беше градоначалник со цел да се запре измената на Деталниот урбанистички план.Превез зад сето тоа беше и здружението кое го предводеше Агатангел кое протестираше поради наводно запирање на изградбата на црквата Св. Константин и Елена, иако такво нешто не било планирано.