Добивај вести на Viber
По укинувањето на законот за хонорарци не стивнуваат реакциите во јавноста. Главно се одобрува укинувањето на законот, иако кога се носеше голем број здруженија и синдикати беа за законот, затоа што тој овозможуваше да се зголемува вработувањето. Претседателот на ССМ Живко Митревски за Фактор вели дека повлекувањето на законот е логична последица на анализите дека ефекти за вработувањата ќе има од други мерки:
„ССМ во рамките на своите програмски цели посебно се фокусира покрај останатото да обезбеди можности за вклучување на работниците во системот на социјално и пензиско осигурување Тоа беше и причината при донесувањето на Законот за хонорарци да се бараат и бенефитите од оваа мерка иако во старт и на Економско-социјалниот совет баравме посебни модалитети за ефектите и друг пристап за одредени категории на хонорарни работници и работници со договор за дело. Нашиот став е јасен дека бараме работен однос на неопределено време за работниците и сигурни работни места.
Сите мерки и закони кои одат во обезбедување на поголеми вработувања и трансформација на работниот однос на неопределено време одат во прилог на остварување на нашите стратешки цели
Со оглед на проценките кои се направени дополнителните мерки за нови вработувања и проектите за отворање на нови работи места оценето било дека ефектите од законот може да се постигнат и со други мерки па од таму и повлекувањето на Законот е логична последица на анализите.
За ССМ останува определбата и натаму да се бориме за нови работни места трансформација на волонтерските договори и догвори на дело во редовен работен однос со платени придонеси“, се вели во реакцијата на Митревски.
Горазд Чомовски