Знаете ли како да си ги заштите кредитните картички од кражба?

Добивај вести на Viber

Безготовинското плаќање се повеќе се користи на Балканот. Во Македонија речиси и да нема човек што не поседува картички, без разлика дали се работи за дебитни или кредитни. Оние кои сакаат да располгаат со дополнителни пари ги користат кредитните картички, додека граѓаните кои сакаат да имаат поголема контрола на семејниот буџет ги користат дебитните картички. Плаќањето со кредитни картички веќе е достапно насекаде во земјава, на речиси сите продажни места кои имаат различни дејности. Во последно време во земјава е тренд и купувањето преку интернет.  Заклучно со август годинава, вкупниот број на платежни картички во Македонија е близу 1,6 милиони, бројка која континуирано расте. Според податоците на Народната банка, вкупно 24.961 трговци прифаќаат плаќање со картички. Вкупната вредност на трансакциите изнесува над 180 милиони евра. Користењето на безготовинската картичка без контакт е тренд на Балканот, што навистина се идзвојува. Оваа технологија на Master Card позната како PayPass, веќе е присутна на пазарите на Балканот, како во Македонија, Црна Гора, Бугарија, а од  неодамна и во Босна и Херцеговина, вели во интервју за Фактор генералниот менаџер за Master Card на Балканот, Артур Туремка. Фактор: Каков е во моментов трендот на безготовинското тргување? Артур Туремка: Најважното во безготовинската платежна индустрија, е плаќањата да бидат достапни и да им бидат на располгање на поторшувачите  насекаде и во секое време. Цениме дека за клиентите е важно да им понудиме безбедни, односно сигурни производи, со кои ќе имаат можност да го заштедат своето време. Како што животот станува се подигитализиран, така потрошувачите полесно ги прифаќаат плаќањата без контакт преку кредитни картички, мобилни телефони или кој било друг уред, што тие го имаат на располагање. Користењето на безготовинската картичка е тренд на Балканот, што навистина се издвојува. Безготовинската технологија на Master Card позната како PayPass, веќе е присутна на пазарите на Блаканот, како во Македонија, Црна Гора, Бугарија, а од  неодамна и во - Босна и Херцеговина. Едноставно приближување на картичката без контакт до специјален читач на ПОС терминалот е се што треба да се направи за да се изврши плаќање. За исплатите до 1.200 денари не се бара ПИН код, а над оваа сума од безбедносни причини е потребно внесување на пинот. Освен брзината, овој систем е лесен и безбеден поради вградениот чип. Освен тоа, картичката ја држите постојано во раце за време на исплатата, што пак обезбедува поголема контрола и безбедност. Во масовната употреба на безготовинското плаќање, трговците забележуваат голема разлика особено што со трансакциите без контакт се забрзува процесот на плаќање, се спречуваат редиците на потрошувачите кои чекаат, кои пак истовремено токму поради брзината и безбедноста уживаат во шопингот. Токму тоа е нашата крајна цел. Катичките без контакт се достапни како кредитни и дебитни картици. Имаат мултиплексна намена и често пати се пропратени со бонуси и поволности што ги нудат банките при нивното издавање. Таквите погодности кои ги нудат безготовинските исплати се важен сегмент за натамошниот развој на платежните технологии, што пак претставува одлична основа за развој на другите сродни технологии како што е плаќањето преку мобилни телефони. Фактор : Често пати се случува да се хакираат картициците без разлика дали се работи за кредитни или дебитни, каков систем на заштита нуди вашата компанија за граѓаните? Артур Туремка: Постојат неколку причини кои можат да доведат до компромитирање на податоците на картицата и да влијаат врз безбедноста, а тоа се  недоволна грижа за заштита на податоците на картичката, плаќањата на недоверливи локации, како во продавници и преку пинтернет, но и хакерските напади. Индивидуални случаи на кражба на податоци се случуваат, но важно е да се потенцира дека тие може да се спречат со неколку лесно податливи чекори на претпазливост што сопствениците на картичките треба да ги преземат. Првиот чекор за спречување на неовластена употреба на картичка, е купување во безбедни продавници каде што со сигурност знаете дека ПИН кодот е заштитeн за време на употребата на картичката. Затоa ПИН кодот треба да се запомни и да се чува на безбедно место, а не на ризични и очигледни места како што се паричник или мобилен телефон. Паметно е да се чува потврдата за купувањето со картичка и да ја проверите сумата која ви е наплатена на сметката или преку онлајн или мобилен банкарски систем, или преку СМС известување кое многу банки го користат денеска. Ако нешто им изгледа сомнително, сопствениците на картичките треба да ги пријават измамничките трансакции во нивната ванка или финансиска институција во рок од 30 дена. Во случај на изгубена или украдена картичка, сопственикот треба тоа да го пријави во банката од која што ја земал картичката. Сопственикот на картичката нема никаква одговорност ако банката ја извести веднаш по губењето или кражбата на картичката. За Master Card е приоритет заштитата на нашите клиенти во однос на спречување на измама или користење на финансиски информации. Ние континуирано работиме на надградба и подобрување на нашиот со цел да се обезбеди интегритет на глобалниот платен систем. Master Card користи чип технологија, што е едно од најдобрите и најистакнатите начини за заштита на  податоците на корисникот. Чип картичките изгледаат слично како оние традиционалните , со таа разлика што имаат вграден чип во стандардната магнетна лента на опачината од картичката. Тој чип содржи информации кои се шифрирани кои многу тешко може да се ископираат од картичката или фалсификувани. Наместо само да поминува, картичката со чиш се внесува во терминалот за да се изврши трансакцијата.Чипот комуницира со терминалот кој проверува дали се работи за автентична картичка или не. Генерално терминалот му дава инструкции на сопственикот на картичката како да го внесе иднетификацискиот број односно ПИН-от, потоа терминалот го верификува чипот се спроведува трансакцијата. Кога станува збор за он-лајн плаќања имаме посебно решение наречено MasterCard® SecureCode™,  кое гарантира дополнителна заштита и сигурност за клиентот. Поточно се работи за приватен код кој го има само сосптвеникот на картичката и банката која ја издала картичката, а до кој трговците немаат пристап. На овој начин клиентите може да бидат сигурни дека и да веруваат во своите трансакции. Фактор : Во однос на Европа,  во кои земји најмногу се користат картичките како платежно средство, и каде е Македонија во однос на безготовинскиот платежен систем? Артур Туремка: Политиката на Master Card е таква што овој вид на информации ги следиме само на глобално ниво. Но можам да кажам за општиот тренд што го имаме забележано, а кој пак е тесно поврзан со потребите на клиентите. Тука се оние клиенти кои сакаат да имаат контрола на трошоците и користат дебитни картички, односно трошат толку колку што имаат на сметката во банка. Резултатите што ги имаме од истражувањата покажуваат, особено истражувањата во текот на економската криза и нејзиното влијание врз потрошувачите во Европа, открија премин на поторшувачите од кредитни во дебитни картици, поради тоа што дебитните картици нудат поголема контрола на трошоците, што пак им овозможува на корисниците попрецизно да управуваат со своите буџети. Но сепак и покрај ваквиот тренд, кредитните картички и понатаму остануваат популарни во платежниот систем, и производ кој претставува избор за оние кои имаат потреба од дополнителни средства, кои сакаат да добијат поголема вредност од нивните кредитни картички, тука мислам на бенефициите како што се попустите во угостителството, малопродажбата, туристичките патувања... Фактор: Каква технологија и услови нуди вашата компанија и што е тоа што ја прави поконкурентна од другите компании? Артур Туремка: Master Card не издава картички. Трошоците поврзани со дебитните и кредитните картици ги одредува банката која ја издава картичката. Во однос на технологијата, нашата компанија нуди платежна технологија која е решение за финансиските институции. Master Card обезбедува безбеден платен систем за широката потрошувачка, современа технологија. Платежните картички на Master Card брендот – Master Card дебитна и кредитна и Маестро дебитна картичка се базирани на чип технологија кој  нуди највисоко ниво на безбедност во платните трансакции. Master Card картичката е прифатена на околу 36.900.000 локации во 210 земји, и може исто така да се користи и за онлајн плаќања. Фактор: Во моментов се случуваат големи иновации во платежниот систем, како на пример плаќања преку мобилни телефони, кој е следниот голем чекор во областа на кредитните картички? Артур Туремка: Во согласност со она што претходно го кажав во делот на исплатите кои се достапни насекаде и во секое време, ние воведовме дигитална платежна платформа наречена MasterPass,која на поторшувачите им овозможува да направат исплати кои од безбедност аспект се повеќеслојно заштитетни, и платформа која функционира со само еден клик или допир каде и да сте, во продавница или на интернет. MasterPass е всушност платформа во вид на отворен паричник во кој корисниците се во можност да ги чуваат картиците од сите брендови, како и личните податоци, здравствени картици, информации за превоз, и сите тие податоци им се достапни и на располагање во секој момент. Со ова решение за дигитални исплати, процесот е безбеден и едноставен, прилагоден на потребите на корисниците. Ј.С.