28-ГОДИШНА ДЕВОЈКА ИМА ТРОМБОТИЧНА РЕАКЦИЈА: Примила прва доза на АстраЗенека во Србија, на пунктовите денеска 20% од пријавените не дошле
Објавено во: Македонија 31 Март, 2021
Министерот за
здравство, Венко Филипче, на денешната прес-конференција по повод стартот на
масовната вакцинација соопшти дека одлуката да не се вакцинираат лица под 60
години со АстраЗенека е од претпазливост.
-Ние одлучивме да бидеме внимателни и да одием полека но сигурно и во таа смисла ќе чекаме дефинитивна потврда дека вакцината е безбедна. Веќе денеска од Германија има други најави дека ќе се продолжи со вакцинацијата, но по направена косултација со лекар. Затоа сакаме да бидеме навистина претпазливи. Денеска имаме закажани состаноци со Комисијата за безбедност при Агенцијата за лекови, МАЛМЕД, со која што сакаме да размениме соодветни информации, евентуално до Европската Агенција за лекови и деректно до германското министерство за здравство, рече Филипче.
Иако се ретки, сепак се јавуваат тримботични реакции по примање на првата доза од вакцината, нагласи министерот, и посочи дека кај нас има веќе еден таков случај.
-Станува збор за тромботична реакција како резултат на вакцината од АстраЗенека кај помлади луѓе, тоа е всушност една реакција на тромбоцитите после што се создаваат мали згрутчоци во крвта. Станува збор за исклучително мал број на случаи, некаде од 1 на 120.000 до 1 на 1.000.000, но повторно ќе кажам, иако се ретки, ние сакаме да бидеме многу претпазливи. Имајќи предвид дека еден дел од граѓаните се вакцинираше минатиов период во Србија, сакам да кажам дека засега нема никакви препораки дека нешто превентивно треба да се прави ако некој ја примил првата доза на АстраЗенека. Станува збор за многу ретки случаи. Кај нас има досега регистрирано еден случај на девојка која што има 28 години и таа од вчера се наоѓа на болничко лекување со таков тромботичен ефект кој што се поврзува со примена една доза на АстраЗенека. Вакцината ја примила во Србија, нагласи министерот.
Во однос на денешниот старт на вакцинацијата, Филипче истакна дека се се одвива според планот, дека не треба да се создава паника, но истовремено нагласи дека дел од граѓаните кои имале закажано за денеска, не дошле во некои од вакциналните пунктови.
-Околу 20 отсто од закажаните за вакцинација во еден дел од пунктовите денеска не дојдоа да се вакцинираат, рече Филипче.
А.Б.Можеби ќе ве интересира
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
Град Скопје обвинува дека „Дизниленд Реквизити“ незаконско и насилно монтира панорамско тркало: Кој се крие зад чаирската фирма?
ОЈО предложи притвор за осомничениот што си ги уби братот и снаата во Стајковци
За десетина дена би можел да се знае составот на новата влада: Обвинувања за притисоци за решенијата и одлуките за поништеното гласање
Mаксимумот на температурата денес до 29 степени, во Скопје до 27 - но нестабилно: Ова е временската прогноза
