Ако сакаме сирење и кашкавал на трпезите ќе мора да платиме поскапо
Објавено во: Економија 14 Октомври, 2022
Поради намаленото производство на млеко во државата, скапите енергенси, но и поскапата работна рака, и натаму ќе растат цените на млечните производи.
За да имаме сирење и кашкавал на трпезите ќе мора да одвојуваме повеќе пари. Најавено е поскапување на млечните производи до 20 отсто до крајот на оваа година. Од млекарниците во земјава велат дека повеќе фактори водат кон поскапување на нивните производи, и состојбата сега е сменета за разлика од пред неколку месеци.
„Количини на млеко има сè помалку, енергенсите поскапуваат, суровините исто, и за работната рака има повеќе трошоци. Сè помалку има квалификувани работници, и тие достигнуваат 70 отсто од европските плати, а во однос на неквалификуваните работници, и нив ги нема“, велат од Млекара АД Тетово.
Од друга млекарница во Западна Македонија објаснуваат дека цените на сировото млеко, амбалажата, пакувањето, струјата, цените на горивата предизвикуваат линеарно поскапување. Велат дека најголемо поскапување има на биеното сирење и кашкавалот, затоа што за производство на еден килограм од наведените производи се потребни 11 килограми млеко. За работната сила, објаснуваат дека за плата под 400 евра тешко се наоѓа работник. Велат дека квалитетниот производ во вакви околности мора да чини поскапо.
Од млекарница во Источна Македонија додаваат дека мораат поскапо да им плаќаат на своите кооперанти, производители на млеко, со цел да не се откажат од сточарството или да не отидат кај конкурентите. Производителите за кравјо млеко добиваат до 28 денари, за овчо млеко 42 денари, а козјото млеко или го нема, или го има во многу мали количини.
„Мора да се зголеми цената за сировото млеко, затоа што луѓето не сакаат да чуваат стока, размислуваат да ја продадат, а воедно и тие имаат трошоци за храна за стоката“, велат нашите соговорници.
Од млекарниците сметаат дека државата може да поведе сметка во однос на политиката на маркетите и тука да се помогне за балансирање на цените на млечните производи.
И статистика регистрира дека има поскапување на млечните производи. Пораст на индексите на трошоците на животот во септември 2022 година, во споредба со претходниот месец, е забележан кај сирењето и урдата за 9.9 oтсто, а кај млекото за 5.7 отсто. Според податоците на Државниот завод за статистика, производството на кравјо млеко во 2021 година изнесува 326.523 илјади литри, што е за 19.4 отсто помалку во однос на 2020 година.
Сања Атанасовскаfoto freepik.com
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Катар ервејс размислува да ги преземе поранешните А330 на Американ ерлајнс
UNIQA Insurance Group AG го продава осигурителниот бизнис во Македонија, Косово и Албанија: Новиот сопственик е Авни Понари сопственик на SIGAL Group Austria
Бизнисот за финансирање има уште само 15 милиони евра пари од странство додека се чека унгарскиот кредит
СТОКАТА СЕ ПОВЕЌЕ СЕ ПРЕНЕСУВА СО КАМИОНИ МЕСТО СО ВАГОНИ – тројно намален превозот по пругите
ДАЛИ ЕТИАС ГАРАНТИРА ВЛЕЗ ВО ЕВРОПА? Ќе се „чешлаат“ апликантите, еве дали ќе добијат дозвола да влезат
„БАЛОНОТ ЌЕ ПУКНЕ“: Познат инвеститор предупредува дека претстои голем колапс на берзата
ОВОЈ ЈУГОСЛОВЕНСКИ МОДЕН ГИГАНТ СЕ СРАМНУВА СО ЗЕМЈА: И Јованка Броз им ги носеше чантите, а имаа 1.300 вработени
БОЖИНОВСКА ГО НАЧЕКАЛА ЕСМ СО МИНУС ОД 80 МИЛИОНИ ЕВРА: Вели дека во МЕПСО бил вработен несоодветен кадар
ДЕКАТЛОН ВО ОФАНЗИВА - ИНВЕСТИРА 100 МИЛИОНИ ЕВРА ЗА ПРОШИРУВАЊЕ ВО ГЕРМАНИЈА: Ќе има над 150 продавници до 2027
