„АКО ВЛЕЗАТ ВО УКРАИНА, НИКОГАШ НЕМА ДА ИЗЛЕЗАТ“: Путин упати големо предупредување до НАТО земјата: Последиците можат да бидат сериозни
Објавено во: Свет 14 Март, 2024
На новинарско прашање за неодамнешната изјава на францускиот претседател Емануел Макрон дека не е исклучено воените сили на западните земји да бидат испратени во Украина, Путин одговори дека факт е дека воените сили на западните земји биле присутни во Украина за долго време и дека биле присутни пред, како што рече, државниот удар во земјата, а потоа нивниот број се зголемил многукратно.
- Сега тие се директно присутни, во форма на советници, присутни се во форма на странски платеници и трпат загуби. Но, ако зборуваме за официјалните воени контингенти на странски земји, тогаш сигурен сум дека тоа нема да ја промени ситуацијата на бојното поле. Ова е најважно. Исто како што набавката на оружје не менува ништо - рече тој и додаде дека тоа може да доведе до сериозни геополитички последици.
- Затоа што ако, да речеме, полските сили влезат на територијата на Украина со цел, да речеме, да ја покријат украинско-белоруската граница или на некои други места со цел да ги ослободат украинските воени контингенти да учествуваат во воените дејствија на контактната линија, тогаш мислам дека Полските сили никогаш нема да заминат таму. Така ми се чини... Сакаат да ги вратат оние земји што историски ги сметаат за свои и кои им ги одзеде таткото на нацијата Јосиф Висарионович Сталин и ги префрли во Украина. Тие ги сакаат назад, се разбира. И ако таму влезат официјални полски единици, тешко дека ќе излезат. Но, тогаш нивниот пример би можеле да го следат и други земји кои изгубиле дел од своите територии како резултат на Втората светска војна. И мислам дека геополитичките последици за Украина, дури и од гледна точка на зачувување на нејзината државност во модерна форма, секако ќе излезат на површина во полн сјај и полна големина - пренесува РИА Новости.
На прашањето што се случи со Финска и Шведска кои влегоа во НАТО алијансата и дали тие две земји воопшто разбираат во што влегуваат, рускиот претседател рече дека не го знае одговорот на тоа и дека треба да се побара од нив и дека Русија имаше прилично добри, стабилни односи со тие земји, па дури и „идеални“ односи со Финска.