АНАЛИЗА НА АЛБАНСКИТЕ МЕДИУМИ: Убиството на Вања и на Лиридона „ужас потпомогнат од најблиските за интерес“
Објавено во: Македонија 04 Декември, 2023
Албански медиуми ги споредуваат убиството на Вања и убиството на косовката Лиридона како „ужас потпомогнат од најблиските за интерес“.
Албанските медиуми, како и другите во регионот, информираа за случувањата околу исчезнувањето на 14-годишната Вања Ѓорчевска од Скопје, која е убиена.
„Ужас предизвикан од најблиските“, медиумите ги нарекуваат двете убиства што деновиве ја разбрануваа пошироката јавност во регионот, тоа на Лиридона Адемај (32), од Косово, мајка на две деца, чие убиство го нарачал нејзиниот сопруг за 30 илјади евра и која беше егзекутрана пред очите на децата, а во присуство на сопругот, со цел да добие милионски износ на средства од осигурувањето. И за случајот со Вања „никаков паричен интерес не може да го оправда однесувањето на таткото“, пишуваат албанските медуми.
„Исчезнатото девојче во Скопје пронајдено мртво“, „Во грозоморниот чин вмешан и таткото“, „Настан кој ја вознемири јавноста во поширокиот регион заврши трагично“ се дел од насловите на информациите кои ги пренесуваат медиуми.
„Настанот што ја шокираше јавноста во Северна Македонија и пошироко, доби завршница од која многумина стравуваа. Сомнежите на полицијата товари повеќе од 5 лица, од кои тројца веќе се во притвор. Скопското обвинителство соопшти дека на распит е и таткото на убиеното девојче, чија смрт е трагедија за семејството, но и нејзините соученици и сите граѓани“, наведува Топ чанел.
Медиумите ги пренесуваат и изјавите на министерот за внатрешни работи Оливер Спасовски, при тоа оценувајќи дека полицијата покажала висока ефикасност во расветлувањето на случајот.
И српските медиуми посветија големо внимание на случајот.