АНГЕЛОВ: ПОТФРЛИВМЕ КАКО ВЛАДА - Директорот на ЦУК со остри зборуви за соработката со СДСМ

Добивај вести на Viber

Претседателот на Достоинство, Стојанче Ангелов, воедно и директор на Центарот за уравување со кризи, утрово изјави дека за него соработката со СДСМ е минато и кажа: „потфрливме како влада“. 

„Соработката со СДСМ веќе е минато“, потенцира утрово во емисијата „Еспресо со Златев и Боцевски“ првиот човек на Центарот со управување со кризи, Ангелов.

На новинарско прашање за идна соработка со СДСМ,  Ангелов не го криеше незадоволство од власта, а особено се осврна на црната листа и извештајот од Европската Комисија.

- Ние потфрливме како влада, јас ќе се повикам на извештајот на Европската Комисија. Ставањето на вицепремиер на црната листа за мене е погубно, а градоначалникот од редовите во ДУИ исто така заврши на оваа листа - вели Ангелов.

На прашањето дали би му пречела влада меѓу СДСМ и ВМРО-ДПМНЕ вели дека е добро за стабилизација, но така тешко се решаваат крупни прашања според него.

Стојанче Ангелов е категоричен дека соработката со СДСМ веќе е минато, а тој е разочаран дека партијата не ги исполнила барањата на неговата политичка партија „Достинство“.

Во овој момент сметам дека соработката со СДСМ веќе е минато. Оваа влада потфрли во суштината на Достинство. Прогласија само четири воени инвалиди. СДСМ треба да го притисне ДУИ и Талат Џафери, вели Ангелов.

Ангелов вели дека е разочаран од власта, пред сѐ од тоа дека СДСМ за сите прашања се консултира со ДУИ.

Целата емисија може да ја проследите и во видеото подолу, кое е поставено на Јутуб. Со Ангелов беа отворени и други теми, меѓу кои и Крстот на Попова Шапка, предизвиците со кои се соочува ЦУК, медикопетерот на МВР, соработката со СДСМ, законот за бранителите од 2001-ва година, претседателски кандидат, но и прашања дали би коалицирал со ВМРО-ДПМНЕ или пак СДСМ.

Фото: Принтскрин/Јутуб