Апасиев: Провокатори ќе бидат уфрлени на протестите со цел да поттикнат насилство
Објавено во: Македонија 05 Јули, 2022
Претседателот на Левица, Димитар Апасиев на социјалните мрежи соопшти дека од свиркачи во МВР добиле дојави дека власта прави списоци со провокатори кои ќе бидат уфрлени на протестите, со цел да поттикнат насилство.
„После ова, планираат масовно апсење на демонстрантите! Затоа, јавно ве повикуваме - да избегнувате секаков контакт со полицијата и да дестимулирате носење фантомки! Левица не е против полицајците, Левица е против корумпираната врхушка на власт која ја шитка Македонија!“, напиша Апасиев.
Пратеникот од Левица, Борислав Крмов вели дека е донесена полиција од цела држава и граѓаните да бидат внимателни. Во 19 часот почнува нов четврти по ред протест против францускиот предлог.
Министерот за внатрешни работи, Оливер Спасовски претходно изјави дека протестите мора да бидат мирни и демократски. Премиерот Димитар Ковачевски кажа дека не смее да се повтори 27 април.