ФАКТОР НА ДЕНОТ: Министерката за финансии негира затворање на Трезорот

Добивај вести на Viber

МИНИСТЕРКАТА ЗА ФИНАНСИИ НЕГИРА ЗАТВОРАЊЕ НА ТРЕЗОРОТ

Трезорот работи, работите се извадени од контекст. Нема простор за паника, изјави денеска министерката за финансии Гордана Димитриеска - Кочоска по објавите дека трезорот се затвара на 15-ти месецов поради немање прилив и дека ќе бидат стопирани сите исплати. 

- Не сме го заклучиле Трезорот. Ова прашање го следам деновиве и излезе од контрола. Не можам да ги разберам, поготово да доаѓа од опозиција која наместо да се средува во своите сопствени редови, до вчера беа власт и знае како функционира Трезорот. Трезорот работи. Друго е рокот што сме им го дале на институциите да ги достават налозите до трезорските канцеларии. Тоа значи секоја институција да ги достави налозите до 15-ти за да може да се организираме и да се следи исплатата со 31 декември - истакна Димитриеска - Кочоска, одговарајќи денеска на новинарски прашања. 

Штрајк ќе има утре во Управата за водење на матични книги. 

Вработените ќе бидат на своите работни места, но нема да ги извршуваат работните обврски во знак на револт поради неисполнување на ветувањата од надлежните и непотпишување на колективни договори. Ова го најавија од Независниот синдикат на Управата. Нема да се издаваат изводи од матичните книги, венчаници, ниту други официјални потврди.

АПЕЛАЦИЈА ЈА ЗГОЛЕМИ КАЗНАТА НА ВАСИЛ ЈОВАНОВ

Апелациониот суд Скопје ја зголеми казната затвор за Васил Јованов на 13 години. Јованов беше првостепено осуден на 12 години затвор за „тешки дела против безбедноста на луѓето и имотот во сообраќајот“. Тој во јануари годинава, управувајќи возило со брзина од 91 км/ч, без возачка дозвола и под дејство на алкохол, поминувајќи на црвено светло на пешачки премин удри во Фросина Кулакова, која почина на лице место.

КАТИЦА ЈАНЕВА ДОБИ ОСУМ МЕСЕЦИ УСЛОВЕН ОТПУС

Кривичнот суд Скопје потврди дека екс специјалната обвинителка – Катица Јанева, која е осудена на 7 години затвор, од кои веќе 4 години е во КПУ „Идризово“, ќе биде осум месеци на условен отпуст.

„Заради интерес на повеќе претставници на медиумите околу Условниот отпуст на поранешната обвинителка, правосилно осудена во предметот познат како „Рекет“, ја информираме јавноста дека:

ЧИТАЈТЕ УШТЕ

Креирани се мапи кои покажуваат кои се најпопуларните сувенири во земјите во светот и некаде тоа се кломпи, некаде часовници, беретки, џемпери, чоколади, украсени јајцa, а за Македонија блогерите навеле дека најпознати сувенири се бисерите, филигранот, рачните изработки, но ги набројуваат и зачините, ајварот, ракијата, сирењата и слично.

Група пратеници бараат одлагање на примената на Законот за административни службеници донесен во јули 2025 година.

Берлин денес ќе биде домаќин на „судбоносниот“ ден за мирот во Украина. Лидерите на Британија, Франција и Германија ќе се сретнат со специјалниот пратеник на претседателот Доналд Трамп, Стивен Виткоф и зетот на Трамп, Џаред Кушнер, во присуство на претседателот на Украина, Владимир Зеленски.

Владата минатата недела службено го усвои и го објави првиот годишен енергетски инвестициски план на Министерството за енергетика, рударство и минерални суровини и според тоа познато е кои инвеститори ќе ги изградат првите батериски системи за складирање на електрична енергија.

Има или нема „Мега Луна 25“ дозвола за лунапарк во Скопје - Ова прашање се отвори откако инспекторите тврдат дека треба да биде затворен, а сопственикот Панде Димов преку фирмата дека „Зимзоленд“ ги има сите дозволи и дека ќе работи.