Артан Груби: ДУИ не го поддржува укинувањето, наталитетот треба да расте
Објавено во: Македонија 09 Ноември, 2018
Пратеникот на ДУИ, Артан Груби, изјави дека парламентарната група на ДУИ не го поддржува укинувањето на дополнителни 8.000 денари секој месец за трето дете и 11.200 за четврто дете од страна на Владата на Република Македонија.
Според него, ваквите одлуки треба да се земат консензусно. Тврди дека Владата треба да ги спроведе политиките за зголемување на наталитетот.
- За ваквиот предлог ние не сме известени и за прв пат слушнавме преку медиумите - рече Груби.
Министерството за труд и социјална политика ова го најави како предлог за усвојување на владина седница.