Бачев: Tројца пратеници се заклучени во Собранието

Добивај вести на Viber

Претседателот на Единствена Македонија, Јанко Бачев вели дека тројца пратеници се заклучени во Собранието каде е присутен и локалниот раководител на ЦИА, Дејвид Стивенсон. Обвинува дека врз нив се врши невиден притисок за да гласаат за уставните измени.

Тој го повика Јавниот обвинител веднаш да дојде во Собранието бидејќи се случува државен удар, но и претседателот Ѓорѓе Иванов, бидејќи човек на американската служба, односно Стивенсон е присутен во Собранието и врши притисок врз пратениците.

„Имаме информации дека седницата е одложена бидејќи тројца пратеници не сакаат да ги прифатат барањата на БЕСА и одбиле да гласаат, сега тие тројца пратеници се заклучени во Собранието, каде што е дојден и Дејвид Стивенсон и врз нив се врши невиден притисок", изјави Бачев. 

Група граѓани и покрај студното време и снегот и денеска излегоа на протест пред Собранието на Република Македонија против уставните измени. Тие велат дека протестот е за одбрана на македонското име, идентитетот, историјата и традицијата на македонскиот народ. 

На протестот има членови на граѓанските здруженија „Македонија блокира", „Христијанско братство", партијата „Единствена Македонија", „Твордокорни".

Уставните измени влегуваат во завршна фаза, за што народните избраници ќе треба да гласаат, а се потребни две третини.