БАЈДЕН НЕ ЗНАЕЛ ДЕКА ГО СНИМААТ, ШОКИРАШЕ СО ИЗЈАВАТА ЗА НЕТАНЈАХУ: Му реков дека ќе имаме средба - „дојди кај Исус“

Добивај вести на Viber

Американскиот претседател Џо Бајден, несвесен дека го снимаат, му рекол на демократскиот сенатор по обраќањето до нацијата дека му рекол на израелскиот премиер Бенјамин Нетанјаху да „дојде на состанокот кај Исус“ во врска со ситуацијата во Газа.

Додека Бајден се шеташе по говорот, сенаторот Мајкл Бенет – демократ од Колорадо – му кажа дека неодамна бил во Израел и побарал од претседателот да продолжи да се залага за хуманитарна помош за Газа, пренесува „Аксиос“. Придружуван од Бенет, државниот секретар Ентони Блинкен и секретарот за транспорт Пит Бутиџиг, Бајден одговори:

- Му реков на Биби - и не го повторувај ова - му реков, „јас и ти ќе имаме средба кај Исус“. 

Според „Аксиос“ станува збор за колоквијализам за тешка интервенција со намера да се произведе пробив.

Кога Бајден сфати дека го снимаат, рече:

- Ме снимаат. Добро. Добро е.

President Biden: "I told him, Bibi, and don't repeat this, but you and I are going to have a ‘come to Jesus’ meeting."

“I’m on a hot mic here. Good. That’s good.” pic.twitter.com/KCgpbx4awf

— Sawyer Hackett (@SawyerHackett) March 8, 2024

Во своето обраќање Бајден ја истакна хуманитарната криза во Газа и призна дека се убиени над 30.000 Палестинци. Тој ја критикуваше владата на Нетанјаху дека хуманитарната криза во енклавата не ја третира како приоритет и истакна дека Израел не смее да ја користи помошта како политичко пазарење. Продолжува промената во воената реторика на администрацијата во изминатите неколку недели, бидејќи се насобраа демократските критики за поддршката на Бајден за Израел.

Пораките зад затворени врати беа поостри, известува Аксиос, вклучително и оние упатени за време на посетата на израелскиот министер Бени Ганц на Белата куќа претходно оваа недела.