БАНКИТЕ ТРИЈАТ РАЦЕ, ЕМ ПАРИ НАЗАД ЗА ТРИ ГОДИНИ, ЕМ КАМАТА - ново државно задолжување на домашниот пазар

Добивај вести на Viber

Нова тригодишна државна обврзница издадена пред неколку дена, со која државата повторно се задолжува на домашниот пазар, од денеска ќе котира на Македонската берза.

Станува збор за државни обврзници без девизна клаузула.

Овој пат државата кај домашните кредитори, односно банки и фондови, позајмува 13,4 милиони евра. 

Датумот на достасување е октомври 2027 година, што значи дека поради помалата рочност, имаме и пониска каматна стапка, која на годишно ниво изнесува 3,95 отсто.

Многу поголемо задолжување државата направи пред десетина дена, на сума од дури 74 милиони евра. 

Првата државна обврзница тогаш беше на сума од 22,66 милиони евра. Таа била издадена на 19 овој месец, а парите ќе треба да ги вратиме после три години, или поточно на истиот датум, во 2027 година. Тоа значи дека после подолг период влегува во игра и тригодишна државна обврзница, а токму заради помалиот рок, каматната стапка е пониска и изнесува 3,95 проценти. Станува збор за државни обврзници без девизна клаузула.

Втората државна обврзница беше на сума од 9,38 милиони евра, со рок на враќање е 15 години, односнио земјава ќе треба да ја отплаќа се до 2039 година, а третиот дел на државни обврзници беше на највисока сума, односно дури 31,72 милиони евра. Исто така станува збор за државни обврзници без девизна клаузула, кои ќе се вратат најдоцна до 2039 година. За користењето на подолгорочните обврзници, ќе платимер камата од , а за користењето на овие пари исто така ќе платиме камата од 5,6 отсто.