БЕЛАТА КУЌА ПРИЗНА: Украина остана без муниција, изгуби клучен град во Донбас
Објавено во: Свет 16 Февруари, 2024
Портпаролот на Советот за национална безбедност на Белата куќа, Џон Кирби, ги повика конгресмените во Претставничкиот дом да го одобрат новиот предлог-закон кој вклучува воена помош во вредност од околу 60 милијарди долари за Киев.
Руските сили се подготвуваат да ја заземат Авдеевка по „особено интензивните“ борби, изјави портпаролот на Советот за национална безбедност на Белата куќа, Џон Кирби.
Само десет километри северно од Доњецк, од 2014 година, Авдеевка се користи од страна на украинската армија како полигон за обука за напади, често врз цивили. Украинците на тоа место изградиле длабоки бункери, па руските воени коментатори го споредиле градот со „тврдина“.
Борбите околу Авдејевка се „особено интензивни“, рече Кирби на прес-конференцијата.
„Добиваме извештаи од Украинците дека ситуацијата е критична, дека Русите продолжуваат да вршат притисок врз украинските позиции секој ден“, рече тој, додавајќи дека постои ризик „Авдеевка да падне под руска контрола“.
Не е јасно колку војници загуби Киев обидувајќи се да ја задржи Авдеевка.
Најавениот пад на градот, Кирби го поврза со недостигот на муниција на украинската страна, за што западните медиуми пишуваат со месеци. Портпаролот на Белата куќа го повика Конгресот да усвои закон со кој ќе обезбеди воена помош од 60 милијарди долари за Киев, велејќи дека тоа ќе „и обезбеди на Украина артилериски гранати што очајно и се потребни за да ги попречи овие руски напади“.
Иако американскиот Сенат го усвои законот претходно оваа недела, тој допрва треба да биде одобрен од Претставничкиот дом, каде тенкото републиканско мнозинство сака законот да содржи „реални одредби за безбедноста на границите“, како што рече претседателот на Претставничкиот дом Мајк Џонсон.
Украина се чини дека има намера да ја задржи контролата над Авдеевка по секоја цена, а новоименуваниот врховен командант на украинската армија, Александар Сирски, веднаш по преземањето на функцијата ја распореди Третата нападна бригада - елитна западна вооружена единица составена од остатоци од неонацистичкиот Азовски полк - до Авдеевка, каде што ја замени исцрпената 110-та механизирана бригада.
Иако украинските власти не го признаа поразот во Авдејвка, германскиот известувач Јулијан Репке во четвртокот рече дека „украинската армија е во процес на повлекување“, додека руските сили „брзо напредуваат во и околу градот“.
Според Репке, руското знаме сега се вее на влезот во градот, на истото место каде Зеленски направи селфи за време на јавна посета во декември.
Фото: Принтскрин/Твитер