БЕРЗИТЕ РАСТАТ ПО НАЈАВАТА НА ПАУЕЛ - се зголеми и вредноста на доларот
Објавено во: Финансии 25 Август, 2025 08:46
Азиските берзи со почетокот на новата недела доживеаа нов подем, а истото се случи и на Волстрит во петокот, како резултат на изјавата на претседателот на Федералните резерви на САД, Џером Пауел дека наскоро може да се очекува намалување на каматните стапки.
Индексот MSCI на акциите од Азиско-пацифичкиот регион порасна за 1,1 процент во 7:00 часот наутро.
Во исто време, цените на акциите во Индија, Јапонија, Австралија, Шангај, Јужна Кореја и Хонг Конг пораснаа помеѓу 0,1 и 2,1 процент.
Така, азиските берзи го следат растот на Волстрит во петок, кога најголемата берза во светот беше охрабрена од претседателот на американската централна банка, кој во Џексон Хоул изјави дека се приближува времето за прилагодување на монетарната политика.
Ова на пазарот беше протолкувано како сигнал дека Федералните резерви ќе ги намалат каматните стапки во септември, па затоа индексите на берзата силно пораснаа и ја затворија неделата со добивки.
Оваа недела, од друга страна, фокусот на инвеститорите ќе бидат податоците за инфлацијата во САД, а се очекува цените да растат поради воведувањето царински давачки.
Пазарите оваа недела би можеле значително да бидат погодени од кварталните деловни резултати на најголемата светска компанија по пазарна вредност, Nvidia.
Доларот зајакна, цените на нафтата пораснаа
И на валутните пазари, вредноста на доларот во однос на кошничката валути се зголеми, по падот од минатата недела.
Индексот на доларот, кој ја покажува вредноста на американскиот долар во однос на другите шест најважни светски валути, зајакна утрово за 0,13 проценти, на околу 97,84 поени.
Во исто време, цената на еврото се лизна за 0,06 проценти, на 1,1705 долари.
Американската валута зајакна во однос на јапонската, па курсот на доларот достигна 147,25 јени, околу 0,2 проценти повисоко отколку што беше во петокот навечер.
Цените на нафтата, од друга страна, пораснаа, продолжувајќи го позитивниот тренд од минатата недела. На лондонскиот пазар цената на барелот утрово порасна за 0,16 проценти, на 67,85 долари, додека на американскиот пазар цената на барелот се зголеми за 0,17 проценти, на 63,75 долари.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
ПЕНЗИОНЕРИТЕ ПРЕД УСТАВЕН ГО ИЗРАЗИЈА РЕВОЛТОТ: „Се бориме за корка леб и лекови“
КОЛКУ ЌЕ ВЕ ЧИНАТ ДОБРИ И КВАЛИТЕТНИ ЗИМСКИ ГУМИ? Внимавајте на овие грешки при нивно купување
