БЕСА: Ќе има и редефинирање на судовите, безрезервна поддршка за СЈО
Објавено во: Македонија 22 Февруари, 2017
БЕСА реагира незадоволно на одлуката на Кривичниот суд да прераспредели голем број на судии кои претежно решавале во полза на барањата на СЈО и најави дека ќе има целосно редефинирање на македонските судови за поголема правичност.
„Одлуката за прераспределбата на судиите на кривичниот суд претставува скандалозна интервенција на владејачките партии во судскиот систем во Република Македонија.
Судиите, кои досега решиле за случаите на Специјалното Јавно Обвинителство и нивната замена со судии кои се знае дека се блиски со владејачката партија, претставува не само флагрантно кршење на автономијата на судовите, туку и директен упад во работата на единствената кредибилна институција во правниот систем – СЈО.
Движењето БЕСА гарантира дека платформата Редефинирање предвидува и реформирање на целиот правен систем, особено на судовите, и сето ова во корист на правдата без можности за политизација и исклучиво во корист на граѓаните.
Судовите ќе бидат целосно независни и објективни и ова ќе се случи во многу блиска иднина. Во оваа прилика, уште еднаш го изразуваме нашиот став и нашата безрезервна поддршка за продолжување на работата на СЈО додека да се постигне целосна декриминализација на државниот систем“, се вели во соопштението на Движењето БЕСА.
Можеби ќе ве интересира
ФАКТОР НА ДЕНОТ: Кривичен ја уважи амнестијата за Ристевски, Вељаноски, Атанасовски и Јанакиески за настаните од 27 април
Мицкоски се огласи, но не појасни: Суштината е мојата посета, а не поканата за инугурацијата на Трамп
БОНЕВА, СТАВРЕСКИ И ТРЕНОВ: Тројца видни членови на ВМРО-ДПМНЕ на иста маса, едниот веќе доби функција
Повредените од верижниот судир кај Смилковско езеро се во стабилна состојба
КАВАДАРЦИ: Ќерка ја нашла мајка си мртва со повреди
Јаневска: Пронајдени бројни неправилности кај Европскиот универзитет на Мерко
АХМЕТИ ДО МАКЕДОНЦИТЕ: Некој треба да оди во Бугарија, друг во Албанија, но на кого ќе му ја оставиме оваа земја?
ДОНИРАЈТЕ: Да му помогнеме на Марко да замине на операција во Турција
