06 Февруари, 2023
0.0301

БЕЗ СКАФАНДЕРИ ЈА СОБИРААТ ПОСТЕЛНИНАТА ОД ЗАРАЗЕНИТЕ ПАЦИЕНТИ: Во какви услови работи техничкиот и болничкиот персонал во ГОБ „8 Септември“

Објавено во: Македонија 21 Јуни, 2020

Добивај вести на Viber

Огромен револт изразија дел од вработените во ГОБ „8 Септември“ поради лошите услови за работа. Во разговор за Фактор велат дека ризикот од заразување со корона вирусот меѓу нив самите, од ден на ден станува се поголем. Во оваа скопска болница, каде до сега се сместени најголемиот број пациенти со најтешка клиничка слика, а само до вчера беа 133, дел од одделенијата постојано се пренаменуваат за пациентите со Ковид-19.

-Во болницата се сместени и дел од медицинскиот персонал кој се зарази со вирусот. Најголемиот товар паѓа на медицинските сестри, кои тука буквално преспиваат. Позитивна е главната сестра од интерното одделение, хоспитализирана е главната сестра од гастро со тешка клиничка слика. Има позитивни на корона вирусот од интензивната нега, а таму се сместени пациенти со кардиоваскуларни заболувања. Тие пациенти сега се пренесени на неврологија, секој ден нешто се менува. Навистина е општ хаос, преморени сме веќе, велат за Фактор дел од револтираните вработени во ГОБ „8 Септември“, тријажниот центар за корона вирусот во Скопје.

Појаснуваат дека невозможна е состојбата и за оние пак кои работат во пералната. Велат дека се неадекватно заштитетни, а секодјневно доаѓаат во контакт со постелнината, навлаките од перниците, болничката облека од пациентите кои се хоспитализирани.

-Тие луѓе се борат за капи, за ракавици, за маски за дизентал. Не се соодветно заштитетни за ризикот со кој се соочуваат. Не се облечени во скафандери. И покрја тоа што на пример, на списокот за требување стои бројка од 100 скафандери, од интерната аптека на ГОБ „8 Септември“ ни даваат само 20, речено им е да штедат. Знаеме дека е криза, но ако вака се продолжи, сите вработени ќе се испозаразиме, велат нашите соговорници.

Во однос на дополнителниот кадар кој пристигна во овој скопски Ковид-центар, велат дека секоја помош е добредојдена, но проблемот е во тоа што на тие луѓе им е потребно најмалку две-до три недели да ја научат болницата, да ги научат лифтовите, да научат што каде стои.

-Се случува по грешка, а не е нивна вина, пренесувајќи заразен пациент да се симнат на погрешен кат, каде што не смее да има никаков контакт со корона вирусот. Требаше нашиот персонал многу повеќе да биде заштитен, за да не дојде до ваква ситуација, велат соговорниците за Фактор, дополнувајќи дека веќе на Одделението за пулмологија сега се сместени 26 пациенти со вирусот, а на Одделението за ургентна медицина 16-ттина. Овие одделенија беа пренаменети, зошто повеќе нема место.

Нивниот гнев е уште поголем, заради тоа што не се на листите за платежните картички. Велат дека не е толку до парите, колку што е до принципот и додаваат дека некои од лекарите кои во изминативе месеци се дома заради тоа што не се ангажирани во целата ситуација се наградени со 40 отсто од платата, а некој што деноноќно го носи товарот со кризата воопшто го нема.

Во однос на ова прашање, минситерката за финасии, Нина Ангеловска, вчера истакна дека здравствените работници ќе ги добијат очекуваните 40 отсто од плата на домашната платежна картичка, со објаснување дека Фондот за здравство доставил коригирана листа откако претходно биле испратени нецелесони или грешни матични броеви, но грешки имало и во износот кој медицинарите треба да го добијат.

За целата ситуација во ГОБ „8 Септември“, Фактор се обиде да добие официјален став и од директорот, д-р. Хрисијан Костов, но тој подолго време не одговара на повиците.

Анита Буховски

Можеби ќе ве интересира

Пендиков излезе од болница по претепувањето во Охрид

Пендиков излезе од болница по претепувањето во Охрид

ДВАЈЦА УЧЕНИЦИ ОД МАКЕДОНИЈА СЕ ПОВРЕДЕНИ ВО ЗЕМЈОТРЕСОТ ВО ТУРЦИЈА: Едниот е во посериозна состојба, следи евакуација

ДВАЈЦА УЧЕНИЦИ ОД МАКЕДОНИЈА СЕ ПОВРЕДЕНИ ВО ЗЕМЈОТРЕСОТ ВО ТУРЦИЈА: Едниот е во посериозна состојба, следи евакуација

Објавено видео, од голфот во кој загина гевгеличанец не остана речиси ништо

Објавено видео, од голфот во кој загина гевгеличанец не остана речиси ништо

Унгарската претседателка се подружи со шарпланинецот на Пендаровски

Унгарската претседателка се подружи со шарпланинецот на Пендаровски

ИМА ЗАГИНАТИ ВО ТЕШКА СООБРАЌАЈКА КАЈ МЕСТОТО ТРИ ЧЕШМИ - автопатот Штип-Миладиновци е во прекин

ИМА ЗАГИНАТИ ВО ТЕШКА СООБРАЌАЈКА КАЈ МЕСТОТО ТРИ ЧЕШМИ - автопатот Штип-Миладиновци е во прекин

ФАКТОР НА ДЕНОТ: Македонските политичари ги осудија инцидентите на Деве Баир и каменувањето на македонскиот клуб, во Бугарија повици за вето

ФАКТОР НА ДЕНОТ: Македонските политичари ги осудија инцидентите на Деве Баир и каменувањето на македонскиот клуб, во Бугарија повици за вето

Пендаровски со осуда за инцидентите на граница, демолирањето на македонскиот клуб и навредите на Јорданов

Пендаровски со осуда за инцидентите на граница, демолирањето на македонскиот клуб и навредите на Јорданов

Ветерот откорна дрвја и бандери во околината на Кавадарци

Ветерот откорна дрвја и бандери во околината на Кавадарци

Кирил Петков изнесе став како треба понатаму да се развиваат македонско - бугарските односи

Кирил Петков изнесе став како треба понатаму да се развиваат македонско - бугарските односи