Бугарската фирма ги лапна парите за железницата, а Македонија молчи?
Објавено во: Економија 11 Ноември, 2016
Министерот за финансии Кирил Миноски засега не одговори дали е активирана банкарската гаранција за бугарскиот конзорциум, кој не го испочитувал договорот за изградбата на пругата кон Грција, поради што проектот е стопиран а договорот раскинат. Нема одговор ниту за тоа колку изнесува банкарската гаранција што требало да ја депонира конзорциумот.
Најавата дека банкарската гаранција ќе биде активирана стигна од министерот за транспорт и врски Владимир Мисајловски, но упати деталите да се бараат од министерството за финансии.
Од министерството за финансии, велат дека таквите детали не може да ги соопштуваат и се повикуваат наусловите наведени во договорот за градба, склучен согласно ФИДИК стандардите за градба (Меѓународна федерација на советодавни инжинери), но и на правилата за јавни набавки на ЕУ, но додаваат дека се превземаат соодветни мерки.
„Сепак, би истакнале дека Министерството ги презема сите активности за заштита на Буџетот и интересите на Република Македонија и Европската Унија“, се вели во одговорот од Министерството за финансии.
Спред сознанијата, тужби за бугарскиот конзорциум поднеле и компаниите од земјава, кои бугарските фирми ги ангажирале да работат на терен како подизведувачи, но за тоа не им платиле. Проблемот се комлицира, бидејќи неофицилано се дознава дека една од бугарските компании која ги ангажирала македонските фирми најверојатно има отворено стечајна постапка.
Но, исто така се отвора и прашањето каде затаиле домашните контроли и на фирмата избрана како надзор на овој проект, кој се гледало дека има огромно задоцнување во изведбата, бидејќи иако бил изминат целиот рок во кој пругата треба да биде комлетно завршена, таа сепак се уште е почетна фаза на работите. Па оттука и дилемата дали ако навремено се реагирало и домашните компании ќе имале помала штета од оваа што сега ја трпат.
Овој проект е финансиран со сума од 20 милиони евра од ИПА фондовите, сега неговата реализација ќе почека на нови инструкции од ЕУ, која сигурно ќе биде дополнително пролонгирана затоа што земјава и годинава, но и следната година ќе има избори.
Н.С.