Чувар туркал новинари додека Сашо Мијалков излегувал од притвор, ЗНМ со осуда
Објавено во: Македонија 30 Декември, 2021
Здружението на новинарите на Македонија го осуди туркањето од страна на униформиран службеник на медиумски известувачи за време на пуштањето од притвор на поранешниот директор на УБК, Сашо Мијалков, синоќа од притворот во Шутка.
Новинарите кои го чекале Мијалков пред капијата на затворот биле спречени во извршувањето на своите задачи од лице кое го обезбедува влезот во затворот, а претходно бил направен жив ѕид.
„ЗНМ го осудува односот на униформираниот службеник од затворот Скопје во Шуто Оризари кој истурка новинари и сниматели и ги попречи во вршењето на нивната работа при излегувањето од притвор на екс директорот на УБК Сашо Мијалков вечерва пред затворот. ЗНМ ќе повика и на одговорност од страна на МВР како и Директорот на затворот за крајно непримерниот и недозволив однос од страна на униформираниот службеник кон новинарските екипи на ТВ Клан и А1он“, реагираат од ЗНМ.