ЦУК РАСТУРИ СО 112 ДЕНОВИВЕ: Жители на Хонг Конг се изгубиле во Кањон Матка, се јавиле од телефон без картичка па биле спасени

Добивај вести на Viber

Вчера попладне, во 18.10 часот, на единствениот број за итни случаи 112 во Центарот за управување со кризи, помош побарале двајца туристи, жители на Хонк Конг кои се изгубиле во Кањон Матка, во реонот на средновековниот манастир „Свети Никола Шишевски“. Двајцата биле пронајдени и спасени од тим од Полициската станица Сарај за два часа од нивното јавување, во 20.15 часот.

„ Двајцата туристи повикот за помош до 112 во ЦУК го реализирале од мобилен без картичка, координатите не било можно да се одредат во овој случај, мрежата била со слаба јачина на сигнал, но можело да се разговара. Информирале на англиски јазик дека се изгубени и без ориентација каде се наоѓаат, информирале дека се опкружени со високи ридови и дека имаат минимално храна и вода. Дежурниот оператор на Единствениот број за итни случаи 112 во ЦУК, бил подолго време во комуникација со нив и ги координирал да пронајдат бележито нешто во нивната околина. По пронаоѓањето на знак на патека за манастирот „Свети Никола Шишевски“, дежурниот операторот од 112 во ЦУК им посочил престанат да се движат и да останат до знакот на патеката. Потоа, веднаш координирал со МВР за нивно пронаоѓање и за извлекување на безбедно. Тим од Полициската станица Сарај брзо излегол на терен и ги пронашол, според описот на локацијата каде бил знакот за Манастирот, по што се извлечени на безбедно здрави и живи, во 20.15 часот, за два часа од нивното прво јавување“ велат од ЦУК.