ЦУК: СТАРО И НЕПОДВИЖНО ЛИЦЕ ОД СЕЛО ВИДОВИШТЕ БАРА ПОМОШ - три дена бил без храна и вода
Објавено во: Македонија 08 Декември, 2024
Центарот за управување со кризи (ЦУК) информира дека добил пријава на бројот за итни случаи 112 од жител на кочанското село Видовиште дека е во многу лоша здравствена состојба и поради неподвижност три дена не консумирал храна и течности.
По неговото барање „надлежните институции да се заинтересираат за неговиот случај и да преземат соодветни мерки“, ЦУК контактирал неколку институции за „итно да излезат на терен“, при што од Итната медицинска помош Кочани и СВР Штип одговориле дека немаат надлежност да интервенираат.
Контактиран бил и Црвениот крст Скопје, како и претседателот на ОО Црвен крст Кочани кој, како што наведува ЦУК, известил дека во текот на денот преку нивните волонтери ќе биде доставена храна и вода до болното лице во с.Видовиште.
- Контактирано е со директорот на Јавно комунално претпријатие „Водена кула" од Зрновци и од нивна страна е испратено лице во манастирот во с. Видовиште од каде што ќе биде однесено јадење и други потреби на пријавителот. На првиот работен ден (вторник) лицето ќе биде посетено од одговорни лица од Центарот за социјални работи Кочани за преземање мерки во нивната надлежност - соопшти ЦУК.
Можеби ќе ве интересира
СЛУЧАИТЕ РАСТАТ, НО АКТИВНОСТА ОСТАНУВА НИСКА: Состојба со грипот во Македонија
Вива со новогодишна донација внесе празнична атмосфера во детските болници
СЕКНУВАЊЕ НА ФИНАНСИИ: Како промената на материјалната состојба се одразува на психичкото здравје на луѓето?
ВЕЌЕ СЛУШНАТИ ФРАЗИ, РЕЦИКЛИРАЊЕ НА ПРЕДИЗБОРНАТА ФРАЗЕОЛОГИЈА: Ванковска за говорот на претседателката
ТОА ШТО ВЕЧЕРВА НЕМА ЖРТВИ Е ЧИСТА СРЕЌА: Салиу со хаотична приказна за неговите колеги и камион на Македонија пат....
ФАКТОР НА ДЕНОТ: Сиљановска-Давкова во првото годишно обраќање порача дека од ЕУ очекува европско однесување
ПАНОВСКИ ДОЖИВЕАЛ НЕСРЕЌА ВЧЕРА: Јас ќе бев смачкан, а возачот на џипот и да не беше осуден, ќе беше душевно осакатен
ГРАЃАНИТЕ ДА НЕ ПАТУВААТ ВО ТОЈ ДЕЛ: Извлечени се седумте лица кои беа заглавени во Лазарополе
УШТЕ ЕДНА ЗЛОУПОТРЕБА: Битолчанка со туѓи лични податоци подигнала брз кредит
