„ДА БИДАМ ЈАСЕН, НЕМА ДА ИСПРАЌАМ ВОЈНИЦИ ВО УКРАИНА“: Шолц е категоричен, Германија не сака војна со Русија
Објавено во: Свет 29 Февруари, 2024
Германскиот
кнацелар, Олаф Шолц повтори дека нема да испраќа германски војници во
Украина и ја опиша таа позиција како „црвена линија што не може да се помине“,
пренесува германската Федерална агенција (dpa).
„Да бидам јасен – како германски канцелар, нема да испраќам војници на Бундесверот во Украина“, објави Шолц во снимената порака до граѓаните во средата вечерта. „Одлучен сум. Нашите војници можат да сметаат на тоа и вие можете да сметате на тоа“.
НАТО нема да стане страна во војната, додаде тој. „Тоа е непроменливо“, а Германија и нејзините сојузници се согласуваат дека „не сакаме руската војна против Украина да стане војна меѓу Русија и НАТО“.
Францускиот претседател Емануел Макрон на почетокот на неделата во Париз по меѓународниот состанок посочи дека не ја исклучува можноста за испраќање војници во Украина.
Шолц категорично го одби тоа веќе следниот ден. Инаку, од почетокот на рускиот напад на Украина пред две години, канцеларот инсистираше на тоа дека испраќањето западни војници на бојното поле не е опција.
Инаку, по САД, Германија го снабдува Киев со најмногу оружје за одбрана од Русија.
фото: EPA-EFE/HANNIBAL HANSCHKE