Добивај вести на Viber
Како мозок на нaјголемата измама во историјата на банкарството во Европа, ќе биде запаметено името на Жером Кервиел, вработен во втората по големина банка во Франција „Ѕociete general“. Тој е обвинет за финансиска малверзација на 4.9 милијарди евра капитал на берза.
На прв поглед, за него не би можело да се каже дека се работи за човек со големи амбиции, а не за човек кадар за измама. Жером Кервиел (31) бил „низок„ службеник со годишна плата од 100.000 евра. Колегите го опишуваат како „слаба личност„ без некој посебен талент, кој имал фамилијарни проблеми (имал смртен случај во фамилијата) и една година не бил на одмор. Претставниците на синдикатот го опишуваат како„ малку да забегал„ во паметот, но неговиот професор го карактеризира како брилијантен студент.
Се претпоставува дека Кервиел сакал да ја импресионира управата и да постигне спектакуларни резултати во работењето. Тој признал дека се кладел на движењето на берзанскиот индекс со голем сума на пари кои тој неовластено ги користел. Во суштина, тој самиот бил свој контролор, а тоа знаење го стекнал додека работел во одделението за безбедност во банката. Акциите со кои тој тргувал паднале до таа точка, што тој не можел тоа да го сокрие.
Шефовите на банката не сакале одма да ја обелоденат оваа измама. За се се дознало после шест дена.
Овој скандал бил удар и врз францускиот претседател во тоа време, Никола Саркози, чија што влада во тоа време имала и други проблеми.
„Ѕociete general“ е банка чии корени датираат од времето на владеењето на Наполеон трети и важи за столб на францускиот финансиски систем поврзан со политичката елита во Париз. Со оваа измама банката останала без заработувачка од една година.
Кервиел добил казна затвор од 5 години.