ДЕЛ ОД ТУРСКИТЕ СТУДЕНТИ КУПИЛЕ СТАНОВИ ВО ШТИП: Останатите бараат средени живеалишта под кирија
Објавено во: Македонија 11 Септември, 2024
Дел од турските студенти кои се образуваат во Штип купиле станови во кои ќе престојуваат, а другите бараат станови и куќи под кирија кои се добро уредени.
На почетокот на месецов во јавноста се појави информација дека 10 отсто од становите во Штип ги купиле странски државјани, а меѓу нив има и Турци. Во други медиумски извештаи е наведено дека во последниве две години странците покажале поголем интерес за купување на станови во градот под Исарот.
„Имам слушнато, ама не сум имал клиенти од Турција. Мислам дека тие купувачи не се причина за раст на цените, туку тоа е општ тренд. Имотни луѓе има секаде, кои имаат планови, знаат дека на недвижност нема да изгубат и по 5 или 10 години. Може да го продаде станот кога ќе сака и да ги извади парите“, велат од агенција за недвижен имот во Штип.
Од друга агенција за недвижен имот во Штип објаснуваат дека становите ги купуваат луѓе од повеќе македонски градови. Штип за нив е атрактивен за поседување на недвижност.
„Можеби некој од турските студенти има купено стан, ама тоа не е толку застапено. Тоа се поединечни случаеви. Повеќето се сместени под кирија. Јас лично не сум имала клиент од Турција што купил имот, туку изнајмуваат. Бараат подобро да е наместено. Тие готват, цело време се тука и сакаат сè да имаат на располагање за живот. Бараат посебни услови за разлика од нашите студенти. Можат повеќе да си дозволат финансиски. Станови купуваат и луѓе од други градови, па дури и скопјани. Нашите кирии се приближно како скопските, а становите се поевтини од тие во Скопје. Има купувачи од кочанските села, од Виница, тој дел од истокот, струмичани не купуваат, не знам зошто. Зачестеното купување станови е поради тоа што Штип е универзитетски град, а има луѓе што сакаат да инвестираат“, велат од агенцијата за недвижен имот Флорида импекс од Штип.
Цените за квадрат се движат по 1.100, 1.200 до 1.300 евра. За големите станови интересот е помал, а купувачите најчесто бараат помали станови. Податоците на даночното одделение покажале дека во 2022 и 2023 година во Штип се продадени 650 станови. Во групите на социјалните мрежи каде се разменуваат информации за изнајмување на сместување, турските студенти нагласуваат дека бараат нови, луксузни станови и пишуваат колкава кирија се спремни да платат.
Сања Атанасовскаfoto Wikipedia/Germanikos
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
СЕ ОГЛАСИЈА ОД ВОДОВОД СО ГОЛЕМО СООПШТЕНИЕ: Полнењето е почнатои и се очекува притисокот да се стабилизира за неколку часа
„ЗА НАС ПОМЛАДИТЕ БЕШЕ КАКО ТАТКО, ПОЧИВАЈ ВО МИР ДРАГ ПРОФЕСОРЕ“ - почина професорот Љупчо Арнаудовски
ТИЕ ШТО ИМААТ ВОДА ИМААТ, А ТИЕ ШТО НЕМААТ ДА НЕ БРЗААТ КОГА ЌЕ ДОЈДЕ - еве какви препораки даде Институтот за јавно здравје
ПРОФЕСОРОТ КОЖУХАРОВ Е 64 ГОДИШНИОТ СКОПЈАНЕЦ КОЈ БЕШЕ ПРОНАЈДЕН ПОЧИНАТ ВО АВТОМОБИЛ ВО РЕКА - немало видливи траги на насилство
ОБДУКЦИСКИОТ НАОД УШТЕ НЕ Е ГОТОВ, А СЕ БАРААТ И ДОДАТНИ ЛАБОРАТОРИСКИ АНАЛИЗИ - Обвинителството ја испитува смртта на скопјанецот кој со колата беше пронајден во река
„ТОЈ Е ВО АЛБАНИЈА, А НЕ НА КОСОВО, НО НЕ Е НИ ВАЖНО, СО БЕГСТВОТО ЈА ДОКАЖА ВИНАТА“ - Меџити со информации за Груби
ЗАСНЕЖИЈА ПОВИСОКИТЕ МЕСТА НА СКОЈПЕ, СНЕГ ЌЕ ИМА И НА ПЛАНИНИТЕ - ова е временската прогноза
ДАЛИ ПРИЛЕПСКИОТ ГРАДОНАЧАЛНИК СЕ ПОДНОВИ СО СЛУЖБЕНА КОЛА ОД 65 ИЛЈАДИ ЕВРА - прилепските млади социјалдемократи обвинуваат
ОРЦЕ ЃОРЃИЕВСКИ ГИ ПРАША ГРАЃАНИТЕ КАКО ДА СЕ ТРОШАТ ПАРИТЕ НА КИСЕЛА ВОДА - „фрчеа“ идеи, еве што тие му предложија
