ДИРЕКТОРОТ НА ЕПЛ ЗАГРИЖЕН ЗА КАЗНАТА ШТО МУ ЈА ИЗРЕЧЕ ЕУ, СЕ ВМЕША И ТРАМП - „Нема да дозволам да ги искористуваат нашите компании“
Објавено во: Економија 18 Октомври, 2024
Републиканскиот претседателски кандидат Доналд Трамп изјави дека разговарал со извршниот директор на Apple, Тим Кук, кој изразил загриженост поради финансиските казни што и се наметнати на компанијата од страна на Европската унија.
Говорејќи на поткаст со Патрик Бет-Дејвид, Трамп рече дека Кук му кажал дека ЕУ го казнила Apple со 15 милијарди долари, со дополнителни 2 милијарди долари.
Apple не ја коментираше автентичноста на повикот.
Европските регулатори започнаа серија истраги против големите технолошки компании во последниве години, со цел да ја ограничат нивната моќ и да обезбедат еднакви услови за помалите конкуренти.
Трамп потсети дека Apple изгуби правна битка со ЕУ минатиот месец, што резултираше со обврска да плати 13 милијарди евра.
„Тим, прво морам да победам на изборите... Но, нема да им дозволам да ги искористат нашите компании. Тоа нема да се случи“, го цитира Трамп својот одговор до Кук за време на тој 90-минутен подкаст.
Американските избори ќе се одржат на 5 ноември.
Блиц.бизнис