ДКСК иницира постапки за одговорност за ангажманите на водителката Бесмира
Објавено во: Македонија 01 Јуни, 2022 13:21
Државната комисија за спречување на корупција иницира постапка за одговорност на лицата од општините Петровец, Сарај, Брвеница и Чаир и Државното правобранителство за ангажирање на водителката Бесмира Ејупи, која требаше да биде конзул во Њујорк но Министерството за надворешни работи се откажа од намерата откако информацијата излезе во јавност.
Претходдно медиумите објавија дека за нецела година на сметката на Ејупи од договори за дело и легнале околу 12 илјади евра преку 39 трансакции.
Иницијативата на ДСКС е поднесена до Јавното обвинителство за покренување постапки за гонење на одговорните лица на општините Петровец, Сарај, Брвеница и Чаир и Државното правобранителство, за склучените договори за дело со новинарката Ејупи.
Од добиените документи, рече Катица Николовска член на ДКСК која на денешната седница го образложи предметот, се гледа дека ова лице со Државното правобранителство има два договора од март 2021 и се уште активен во 2022 година со делокруг на работни задачи од Одделение на општи и заеднички работи, работно место за кое веќе имало вработео едно лице. Карактеристично, според Николовска, е дека во извештаите за извршените работи секој месец се користени исти зборови, иста содржина, ист распоред, дури се користи еден терк за секој месечен извештај.Во Државното правобранителство и општините Сарај и Чаир не бил исполнет услов на ваков начин да биде вработено лице, бидејќи, како што рече, за сите тие работни задачи кои се исполнуваат на одредено работно место веќе се ангажрани лица.
Законски, додаде таа, институциите не можат да ангажираат лица за физичка или интелектуална работа врз основа на договор на дело повеќе од 1 посто од број на вработени во претходна година односно повеќе од три лица во институции каде вкупниот број вработени лица е помал од 300 лица, а работата врз основа на договорот да не трае подолго од 24 месеци. Но, додаде таа, има и исклучок од ова решение, кој предвидува со согласност од Министерството за финансии да може да се ангажираат лица над утврдениот процент и со подолго траење од предвиденото, што, нагласи, остава можност за злоупотреби.
Можеби ќе ве интересира
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
ДСЗИ бара комисија за стручен надзор - таа ќе утврдува дали има пропусти во третманот и лекувањето на бебето
Кузеска: Фирма со тројца вработени за два месеци добила тендери од 1,2 милиони евра
Воздухот и понатаму е загаден, ама барем сега имаме подобар сајт да го гледаме
„Дали институциите ќе реагираат навреме или ќе чекаат трагедија“: Левица со остра реакција за „Зимзоленд“ и за новиот директор на Зоолошка градина
