ДОБИ 2.5 ГОДИНИ ЗАТВОР: Русин ги дискредитирал руските вооружени сили
Објавено во: Свет 27 Февруари, 2024
Рускиот борец за човекови права Олег Орлов (70) е осуден на две ипол години затвор.
Тој денеска е осуден од судот во Москва на две и пол години затвор, откако е прогласен за виновен за дискредитација на руските вооружени сили. Орлов е приведен веднаш по изрекувањето на пресудата, пренесува Интерфакс. Орлов го осуди „гушењето на слободата“ во Русија, објави Ројтерс. Тој првично е казнет со 1.628 долари во Окружниот суд во Москва минатата година, но е наредено повторно судење и обвинителите побараа затворска казна од две години и 11 месеци. Случајот повторно е упатен до судот со разјаснето обвинение, според кое Орлов сторил кривично дело мотивирано од непријателство и омраза кон воениот персонал. Против Орлов се водеа истраги поради текст што го објави на социјалните мрежи, а во кој беа дискредитирани руските сили. Руската инвазија на Украина почна пред две години. Многу критичари на војната починаа на сомнителен начин.