ДОСЕГА ДО МНР НЕМА ИНФОРМАЦИЈА ЗА ЗАГИНАТИ ИЛИ ПОВРЕДЕНИ - Министерството стои на располагање доколку некој нашинец има проблем од несреќата во Грција

Добивај вести на Viber

До нашето Министерство за надворешни работи досега не стигнала информација за евентуално загинати или повредени за страшната железничка несреќа во Грција.

„Во врска со трагичната железничка несреќа, која што синоќа се случила блузу градот Лариса во Грција, известуваме дека досега ниту до Министерство ниту до нашите дипломатско конзуларни претставништва не е стигната информација дека меѓу загинатите или повредените во несреќата има и државјани на Република Северна Македонија. 

Амбасадата на Република Северна Македонија во Атина и Генералниот конзулат во Солун се во комуникација со надлежните органи во Грција, од каде чекаме и официјални информации за состојбата околу трагичната несреќа. Министерството останува отворено за реакција на барање на наши државјани, кои поради било какви причини предизвикани од несреќата им е потребна итна асистенција. Информираме дека нашите контакти се отворени 24 часа, а на располагање се три телефонски броја на нашите дипломатски претставништва во Грција: +30 6655191321 во Атина; +30 6987200410 во Солун; како и СОС телефонот на МНР во Скопје +38975273732“, се вели во информацијата што ја испратија од МНР.

Фото: ЕПА