Драматично зголемување на нееднаквоста: Петте најбогати луѓе го удвоиле своето богатство, сиромашните имаат се помалку
Објавено во: Финансии, Свет 15 Јануари, 2024
Петте најбогати луѓе во светот го удвоиле своето богатство од 2020 година, додека 60 отсто од населението, односно речиси пет милијарди луѓе, станале уште посиромашни.
Јазот меѓу богатите и сиромашните најверојатно ќе се зголеми, се вели во најновиот извештај на хуманитарната организација Оксфам. Истовремено, се предупредува дека доколку продолжат овие трендови, сиромаштијата во светот нема да биде искоренета уште 229 години, пренесува РТС.
Истакнувајќи го драматичното зголемување на нееднаквоста од пандемијата Ковид, Оксфам вели дека милијардерите во светот се 3,3 милијарди долари побогати отколку што биле во 2020 година, при што нивното богатство расте три пати побрзо од стапката на инфлација.
Извештајот открива дека седум од 10-те најголеми светски корпорации имаат милијардер како извршен директор или главен акционер, и покрај стагнацијата на животниот стандард на милиони работници ширум светот.
Богатството на петте најбогати луѓе во светот - Илон Маск, Бернард Арно, Џеф Безос, Лери Елисон и Марк Цукерберг се зголеми за 464 милијарди долари или 114 отсто. Во истиот период, вкупното богатство на најсиромашните 4,77 милијарди луѓе, кои сочинуваат 60 отсто од светската популација, реално се намали за 0,2 отсто.
„Луѓето ширум светот работат понапорно и подолго, често за мизерни плати, на несигурни и опасни работни места“, се вели во извештајот.
„Во 52 земји просечните реални плати на речиси 800 милиони работници паднаа. Тие работници изгубија вкупно 1,5 милијарди долари во изминатите две години, што е еквивалент на 25 неплатени денови за секој работник“, се додава.
The fortunes of the five richest men have shot up by 114% since 2020. Meanwhile, 800 million workers have lost $1.5 trillion over the last two years due to inflation. It's time to rein in runaway corporate power. #InequalityInc #FightInequality https://t.co/r1fVoaQMfH pic.twitter.com/V8mJucSCWb
— Oxfam International (@Oxfam) January 15, 2024
Заедно со богатството на супербогатите, корпоративниот профит порасна и покрај притисокот врз домаќинствата од зголемените животни трошоци. Се проценува дека 148-те најголеми светски корпорации збирно заработиле 1,8 милијарди долари нето добивка во периодот до јуни 2023 година, што е скок од 52 отсто од просечната нето добивка во 2018-2021 година.
Breaking: The wealth of the world’s five richest men more than doubled since 2020 while 5 billion people globally have become poorer. More on our annual inequality report here: https://t.co/RDH70aG3BW pic.twitter.com/NoptiFsM6q
— OxfamAmerica (@OxfamAmerica) January 15, 2024
Залагајќи се за данок на богатство за да се поправи рамнотежата меѓу работниците и супербогатите работодавци и сопственици на бизниси, во извештајот на Оксфам се вели дека таквиот данок на британските милионери и милијардери може да донесе 22 милијарди фунти годишно во буџетот доколку се применува со стапка од 1 до 2 отсто од нето вредноста над 10 милиони фунти.
Фото: Принтскрин/Твитер
Можеби ќе ве интересира
НАШИОТ ПОЗНАТ БАНКАР АНТОНИО АРГИР ЌЕ БИДЕ ПРЕТСЕДАТЕЛ НА БОРДОТ НА НЛБ ПРИШТИНА - дополнителна функција во рамките на НЛБ групацијата
КОМУ СМЕ МУ ГИ ДОВЕРИЛЕ НАШИТЕ ПАРИ - еве кои се „милијардери“, а колку има и во другите банки
ГОЛЕМ РАСТ НА ПЛАЌАЊЕТО СО МОБИЛЕН ТЕЛЕФОН - граѓаните се повеќе се насочија кон дигиталните методи за купување
БУРАТА СЕ СМИРИ, ДВЕТЕ БАНКИ ПРОДОЛЖУВААТ ПО СВОЈОТ ПАТ, НО ИНВЕСТИТОРИТЕ НЕ МИРУВААТ - блок трансакција со акциите на Комерцијална, кој плати 78 илјади евра
ГЕРМАНСКИТЕ ПЛАТИ СЛЕДНАТА ГОДИНА ЌЕ ДОЖИВЕАТ ШОКАНТНИ ПРОМЕНИ: Ова се точните износи на промените, некои ќе бидат намалени и за 160 евра
„НА ЕВРОПА И ТРЕБААТ ПОСИЛНИ БАНКИ“: Шефицата на ЕЦБ вели спојувањето на Уникредит и Комерцбанк е тест
АКЦИОНЕРИТЕ НА ТТК БАНКА ЌЕ БИРААТ ЧЛЕНОВИ НА НАДЗОРНИОТ ОДБОР - еве зошто академик Камбовски доби позитивно мислење
ПОЧНА ПРОЦЕСОТ НА НАМАЛУВАЊЕ НА КАМАТНИТЕ СТАПКИ - кредитите поевтинуваат, депозитите уште се држат, ама до кога
ЗОШТО НЕ СЕ ДОГОВОРИЈА И ЗОШТО НЕ СЕ НАПРАВИ УШТЕ ПОМОЌНА БАНКА - Комерцијална и Стопанска Битола продолжуваат сами, има ли добитници и губитници
