Државната ГА-МА направи профит од 3 милиони евра од гасоводот
Објавено во: Економија 30 Септември, 2022
Акционерското друштво во државна сопственост ГА-МА во својата прва година „условно“ без партнерот „Макпетрол“ оствари добивка од 3 милиони евра, покажуваат податоците на ревизорскиот извештај за 2021.
Оваа компанија се занимава со пренос на природен гас и управување со системот за пренос на гас низ гасоводниот систем и единствена по својата дејност, затоа што обезбедува пристап до природниот гас за поголемите потрошувачи.
ГА-МА имамагистрална гасоводна и разводна мрежа за Крива Паланка, Куманово, Гиновци, Кратово, Скопје – југ и Скопје – север. Државата конечно стана целосен сопственик на гасната компанија ГА-МА лани во август, откако го плати 32,7 милиони евра половичниот дел на „Макпетрол“. Од оваа година ќе продолжи заедно со АД НЕР, друштвото за изградба на магистралните гасоводи во земјата, како АД Номагас.
Приходите на АД ГА-МА се за 1,3 милиони евра повеќе од една година претходно и вкупно изнесуваат 7,85 милиони евра. Добивката за 2021 е за околу 870.000 евра поголема од една година претходно. Во тековната 2021 исплатена е дивиденда по годишна смета за 2020 во вкупна висина од 115 милиони денари, од кои половината за „Макпетрол“ и половината за Владата.
АД ГАМА и АД НЕР треба да започнат да функционираат заедно до крајот на годината како Номагас. Спојувањето беше услов новоформираното „Номагас“ да добие кредит од 28,9 милиони евра од Европската инвестициска банка за изградба на Интерконекторот за гас од Грција, со кој ќе се овозможи земјава да се снабдува од повеќе различни извори со овој исклучително значаен енергенс. За заемот веќе гарантира државата со посебен закон. Проектот Интерконектор за пренос на природен гас Грција - Северна Македонија е од стратешко значење за нашата држава. АД НЕР и ДЕСФА Атина веќе потпишаа Договор за соработка, со кој двете страни се обврзаа навремено да го изградат Интерконекторот, секој на територијата на својата држава.
А.К.
Можеби ќе ве интересира
ГАЗА Е ЕКОНОМСКИ УНИШТЕНА: Се вратија на нивото како пред 70 години
ПО СВЕТСКА БАНКА И ММФ ОБЈАВИ ПРОГНОЗА: Maкедонија пак е на дното во регионот
МИНИМАЛНА СИНДИКАЛНА КОШНИЧКА: За колку поевтини во октомври?
ДОЛГОВИ ИМААТ ИТАЛИЈА И ФРАНЦИЈА: Која земја е најзадолжена во еврозоната?
Земјите од БРИКС бараат начин да избегнат плаќање во долари
„Најголем дел од извозно ориентираните компании зависат од солунското пристаниште': Николовски од Солун вели „имаме обврска да обезбедиме модерни врски“
Унгарскиот кредит од половина милијарда евра легна на сметката на Министерството за финансии
За ВМРО-ДПМНЕ неприфатливо е минимална плата од 450 евра, ќе се чека системското покачување
ПАД НА ПРОДАЖБАТА НА АВТОМОБИЛИ ВО ЕВРОПА, НО ХРВАТИТЕ ГИ КУПУВААТ КАКО ДА НЕМА УТРЕ - растот е двоцифрен
