„EasyJet“ воведува двајца членови на екипажот да бидат секогаш во пилотската кабина
Објавено во: Свет 27 Март, 2015
Нискобуџетната британска авиокомпанија „EasyJet“ најави дека од утре ќе бара двајца членови на екипажот да бидат секогаш во пилотската кабина, пренесува „ВВС“.
„Canada Air“ и „Norwegian Air Shuttle“ исто открија слични планови.
Вчера стана јасно дека вториот пилот на урнатиот авион на „Germanwings“ намерно го урнал. Андреас Лубиц се затворил во кабината, откако ја презел командата, покажаа записите од црната кутија. 150 лица загинаа во Алпите.
Новото правило доаѓа откако британските авиокомпании беа повикани да ги прегледаат постапките по несреќата.
Британската Служба за цивилна авијација (САА - Civil Aviation Authority) изјави дека ќе продолжи да ја следи ситуцијата паралелно со истрагата за инцидентот.
„САА“ нагласува дека сите британски пилоти минуваат преку редовни медицински прегледи, вклучувајќи психолошки кои одредуваат дали се вклопуваат во поседувањето лиценца.