Египетски суд го осуди поранешниот претседател Мохамед Морси на 20 години затвор
Објавено во: Свет 21 Април, 2015 12:18
Судот во Египет го осуди поранешниот претседател Мохамед Морси на 20 години затвор без право на предвремено ослободување, соопшти агенцијата „Ројтерс“. Обвиненијата против него се за убиства на демонстранти граѓани во декември 2012 година, а објавувањето на пресудата се пренесуваше во живо на државната телевизија.
„Ројтерс“ забележува дека тоа е првата пресуда против лидерот на „Муслиманските браќа“ Морси, откако тој беше соборен од власт во 2013 година, по масовните протести.
Уште 12 високи членови на „Муслиманските браќа“, исто така добија 20 години затвор без можност за предвремено ослободување. Меѓу нив се генералниот секретар на веќе забранетото движење Мохамед ел Белтаги, како и поранешниот пратеник Есам ел Ериан.
На пресудите може да се поднесе жалба.
Амр Дараг од „Муслиманските браќа“, кој беше министер во управувањето на Морси, го коментирал процесот како „пародија на правдата“. „Ова дело беше пародија на правдата, се замислив, контролирано од владата и без никакви докази“, вели Дараг. „Тие сакаат да издадат смртна казна за демократијата во Египет“, пишува во соопштението.
Можеби ќе ве интересира
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
САД даваат безбедносни гаранции за Украина, но нема договор за територијални отстапки
Украина добива гаранции од САД слични на Член 5 од НАТО?
(ВИДЕО) Мароко брои жртви, по седум години суша се борат со поплави
