ЕКС МОНГОЛСКИОТ ПРЕТСЕДАТЕЛ ГО ИСМЕВА ПУТИН: Делови од Русија биле во составот на Монголската империја

Добивај вести на Viber

Поранешниот претседател и премиер на Монголија, Кахијагин Елбегдорј го исмеа рускиот претседател Владимир Путин. 

Тој се исмева со ставовите на Путин во однос на тоа колку е голема Русија. Поранешниот претседател, кој ја водеше Монголија во периодот од 2009 до 2017 година, сподели мапа на која е прикажана поранешната Монголска империја, која во историјата контролирала делови од денешна Русија. Мапите што ги сподели покажаа и колку мала била Русија во 15 век.  Монголската империја некогаш била најголема во светот. Нејзината територија покривала поголем дел од Евроазија и ја опфаќала модерна Кина и поголемиот дел од Русија, како и Украина. Инаку, тој порача дека Монголија е мирољубива земја. 

„Знам дека Путин не трпи слобода, седев со него во неколку наврати. Тој ги презира разликите и конкуренцијата. Се плаши од слободна Украина. Нарцисоиден е, не може да си дозволи да има успешни и просперитетни соседи”, рекол поранешниот претседател.

Путин во своето интервју со поранешниот водител на Фокс њуз, Такер Карлсон, изјави дека Русија всушност има право на Украина повикувајќи се на историските граници, иако Украина е независна земја, што поранешниот претседател на Монголија го исмеја. 

Инаку, Путин кажал дека е спремен на компромис со Украина. Русија на 24 февруари пред две години ја почна инвазијата на Украина.