ЕКСПЛОДИРА БОМБА ВО ШТАБ НА ПАРТИЈАТА НА САМКА ИБРАИМОВСКИ: „Ова е напад на нашето постоење како заедница“
Објавено во: Македонија 21 Октомври, 2024
Во утринските часови, во клубот на Партијата за целосна еманципација на Ромите од Република Македонија (ПЦЕР), лоциран на ул. „Иво Лола Рибар“ бр. 152 во Тетово, фрлена е експлозивна направа.
Овој инцидент предизвика значителна материјална штета, при што сите прозори на клубот се искршени. За среќа, не се пријавени повредени лица.
Претседателот на ПЦЕР, Самка Ибраимовски, изрази голема загриженост за овој акт на насилство, нагласувајќи дека се работи за недоличен и нетолерантен чин кон Ромите не само во Тетово, туку и во целата држава.
„Најостро го осудуваме овој чин на нетолеранција и непочит кон нас и кон Ромите од овој град и од целата држава. Ова не е само напад на нашата партија, туку и на нашето постоење како заедница,“ изјави Ибраимовски.
Фото: Принтскрин/Фејсбук