„ОТВОРЕНО Е ПРАШАЊЕТО ДАЛИ ХРИСТОВСКИ ИМА 5 ГОДИНИ НА РАКОВОДНИ ПОЗИЦИИ“: СДСМ бара да се назначи нов директор на АНБ
Објавено во: Македонија 21 Октомври, 2024
Од опозициската СДСМ денеска реагираат за поставувањето на Бојан Христовски на позицијата директор на Агенцијата за национална безбедност.
- Партиски назначениот директор на АНБ, Бојан Христовски во интервју за емисијата КОД потврди дека нема соодветен безбедносен сертификат. Христовски нема сетрификат „Државна тајна“ и поднел барање за ваков сертификат дури откако по партиска диркетива беше назначен за директор на АНБ - нагласуваат од СДСМ.
Од партијата посочуваат дека „АНБ како безбедносна служба располага со многу класифицирани информации од највисок степен до кои актуелниит директор нема право да има увид се додека не го добие сертификатот“.
- Ова ги потврдува сите сомнежи дали Христовски воопшто ги исполнува законските услови да биде на волку висока позиција.
Останува отворено прашањето дали Христовски има виситински документ за познавање на Англиски јазик затоа што приложил Уверение од училиште во Пловдив – Бугарија, а во Пловдив воопшто нема TОEFL центар за тестирање.
Понатаму, отворено е и прашањето дали Христовски воопшто има 5 години стаж на раководни позиции сигласно законските услови?
Во неговата објавена биографија недостасуваат прецизни датуми за неговото раководно искуство во УБК во периодот од 2012 до 2017 година - укажуваат од опозициската СДСМ.
Воедно од партијата велат дека „ВМРО-ДПМНЕ брутално ги партизира институциите а со назначувањето на директор на АНБ води кон целосно уништување на безбедносните структури“.
Поради сето ова, СДСМ бара повлекување на Христовски и назначување нов директор на АНБ со почитување на сите прописи и законски норми.