„МЕТРОПОЛАТА ОД УТРЕ ПАК БЕДАТА СВОЈА ЌЕ ЈА ЗРАЧИ, ЖИВЕАЧКАТА ВО СКОПЈЕ ДА ТИ СЕ СМАЧИ“: Д-р Беќаровски го покажа талентот, напиша песна за скопската дневна шема
Објавено во: Македонија 21 Октомври, 2024
Д-р Нико Беќаровски, на неговиот фејсбук профил секогаш отворено го кажува своето мислење, а овој пат тој го покажа талентот за пишување.
Тој напиша песна за Скопје, поточно за, како што вели тој, скопската дневна шема.
„СКОПСКА ДНЕВНА ШЕМА
Викендов ЗОО не стресе,
дилема тешка ни донесе,
бактерија или вирус,
гуската во смрт ја однесе.
Утре нова мака стига,
притисокот ни го дига,
како на работа да се дојде,
сообраќајниот хаос да се пројде.
Автобус ниту за лек нема,
во овие времиња тешки,
решението е со кожни патичиња и да се тргне пешки.
Гласавте градот да добие прва мајка,
верувавте во бесплатен превоз како во бајка.
Таксистот зад воланот задоволно се смешка,
скопјаниве скапо ќе ги кошта оваа грешка.
Велосипедот од подрумот поглед мами,
ќе го јаваат деновиве и многу „скопски дами".
Метрополата од утре пак бедата своја ќе ја зрачи,
живеачката во Скопје да ти се смачи“.