Ердоган: Турција е подготвена да спроведе мировна средба меѓу Русија и Украина
Објавено во: Свет 08 Март, 2024
Турција и натаму е подготвена да организира и спроведе мировна средба на врвот меѓу Русија и Украина. Ова го изјави турскиот претседател Реџеп Таип Ердоган по разговорот со неговиот украински колега Володимир Зеленски во Истанбул, јавија турските медиуми.
- За жал, нашата дипломатска иницијатива преземена во 2022 година во Истанбул не даде резултати. Војната меѓу Украина и Русија треба да заврши со преговори. Подготвени сме да одржиме мировна средба на врвот на која ќе учествува и Русија - рече Ердоган, цитиран од државната ТВ ТРТ-Хабер.
Претседателите на Турција и Украина Реџеп Таип Ердоган и Володимир Зеленски денеска се сретнаа во Истанбул. Средбата започна околу 19:30 часот по турско време во палатата Долмабахче. Средбата на двајцата лидери траела околу час и половина, информира турската телевизија НТВ.
Ердоган денеска изјави и дека со украинскиот лидер Володимир Зеленски разговарал за договорот за жито и за безбедносната ситуација во Црното Море.
- Ние детално разговаравме за прашањата поврзани со војната. Во рамките на нашето стратешко партнерство, ќе продолжиме да ја поддржуваме Украина, нејзиниот територијален интегритет. Подготвени сме да и помогнеме за нејзино обновување. Разговаравме и за безбедносната ситуација во Црното Море и договорите за жито, кои во голема мера придонесуваат за безбедноста на храната и овозможија да се испорачаат милиони тони жито до земјите кои имаа потреба - рече Ердоган.
Можеби ќе ве интересира
РУСИН КОЈ СЕ БОРЕШЕ НА СТРАНАТА НА УКРАИНА ЗАГИНА: Станува збор за познат активист
„МЕГА“ ХАКЕРСКИ НАПАД НА РУСКИТЕ МЕДИУМИ ЗА РОДЕНДЕНОТ НА ПУТИН: Дали Украинците стојат за нападот?
ВЛАДИМИР ПУТИН НАПОЛНИ 72 ГОДИНИ: Како од сиромашно момче стана моќен лидер?
„ЌЕ ДОНЕСЕМЕ МИГРАНТИ ОД БУДИМПЕШТА ВО БРИСЕЛ И ЌЕ ГИ ОСТАВИМЕ ПРЕД КАЦЕЛАРИИТЕ“: Орбан се закани
ЕВЕ КОИ СЕ ТРИТЕ НАЈПРИВЛЕЧНИ ЗЕМЈИ ЗА БОГАТАШИТЕ: имаат најатрактивни понуди за „трагачите“ по златна виза
„ХЕЛЕНА“ ИМ ОСТАВИ БРОЈНИ ЖРТВИ, НО СЕГА ПРИСТИГНУВА И „МИЛТОН“: Овој ураган може да биде уште побезмилосен
„СЀ ДОДЕКА СУМ НА ВЛАСТ ЌЕ ГО БЛОКИРАМ ЧЛЕНСТВОТО НА УКРАИНА ВО НАТО“:Сака да ги врати и економските врски со Русија
КИНЕЗИТЕ ГИ ХАКИРАЛЕ АМЕРИКАНЦИТЕ: Упаднале во системите за прислушување
(ВИДЕО) ТЕРОРИСТИЧКИ НАПАД ВО ИЗРАЕЛ, ИЗБОДЕНИ ЛУЃЕ НА АВТОБУСКА СТАНИЦА: Еден мртов и осум повредени
