ЕВЕ КАКО СЕ ПРОВЕРУВАШЕ БЕЗБЕДНОСТА НА МОСТОТ „БЕЛАСИЦА“: Гаревски на лице место-граѓани советуваат, мостот да се оптерети максимално!
Објавено во: Македонија 29 Мај, 2023
Проф.др.Михаил Гаревски, директор на институтот за сеизмички отпорни градби и климатски промени, беше во проверка на безбедноста на мостот „Беласица“, кој неодамна беше опожарен кај Ист гејт.
Според него, сѐ уште се потребни детални анализи за да се знае дели му е нарушена стабилноста на мостот.
Тој на својот Фејсбук профил, објави фотографија од под мостот и напиша „На лице место“.
Многубројни граѓани се присетуваат на времето кога мостот „Гоце Делчев“ бил тестиран за издржливост. Тоа, според граѓаните се правело со голем број шлепери натоварени со песок.
-Не така Гаре. Се знае како-како нашите професори. Ќе го натовариш со максимум проект оптеретување (дваесетина шлепери) и ќе се качиш на мостот. 5 минути, не треба повеќе!, гласи еден од коментарите.
Друг пак вели дека се сеќава на техничкиот прием на мостот Гоце Делчев. Повеќе од дваесет шлепери полни со песок и со вклучени мотори (тресење) го оптеретуваа мостот.
Каква ќе биде иднината на мостот, останува да видиме.