Еврото нема да пропадне, ако Грција ја напушти еврозоната
Објавено во: Балкан, Економија 18 Јуни, 2015
„Еврото нема да пропадне, ако Грција ја напушти еврозоната со единствената валута“, изјавил шефот на германската национална банка „Бундесбанк“, Јенс Ваидман.
„Континуираното постоење на еврото не е врзано со развојот во Грција. Но некои верижни ефекти не можат да бидат исклучени, бидејќи карактерот на монетарната унија ќе биде променет од „Grexit“, објаснил тој за францускиот весник „Les Echos“. Интервјуто е објавено исто во шпанските и италијанските весници „El Mundo“ и „La Stampa“.
Така наречениот „Grexit“ би бил излез на Грција од еврозоната.
„Карактерот на монетарна унија исто така ќе се промени, ако одделни земји не ги исполнуваат своите обврски за стабилна валута и се свртат кон монетарната унија во трансфер унија“, објасни Ваидман.
Тој инсистираше на тоа дека одговорноста за тоа дали Грција ќе остане во еврозоната е на грчката влада.
„Тие немаат многу време за постигнување договор. Топката дефинитивно е во полето на грчката влада. Од нив зависи во која насока сакаат да заминат“, изјавил Ваидман.
„Иако постојат ризиците од банкрот и ефект на зараза, ние треба да се осигураме дека основите на монетарната унија и стабилноста нема да бидат нарушени“, додал тој.
Според него поништување на договорите и запирање на плаќањата кон партнерите сигурно ќе има последици за Грција.