ФАКТОР АНАЛИЗА: Колку пари вртат, а колку заработуваат најголемите аптекарски ланци?

Добивај вести на Viber

Аптекарскиот бизнис во Македонија го карактеризираат два клучни белези. Првиот е дека има големи приходи, но изразито ниски профити и тоа укажува на хуманоста односно филантропијата на сопствениците на најголемите аптекарски ланци. Поточно на сопственичките. Затоа што петте најголеми македонски ланци аптеки ги поседуваат и водат жени! Овие дами управуваат со над 340 аптеки ширум земјава и вработуваат повеќе од 1.700 лица. Браво за нив!

*рангирани се компании со приход еднаков или поголем од 5 милиони евра

Петте најголеми ланци аптеки во Македонија се поседувани и управувани од дами. Вредни и способни жени кои се грижат за македонската популација да биде редовно и квалитетно снабдена со се што треба и може да се купи во аптека. Затоа што се работи за здравјето на сите нас. Од бебиња до возрасни луѓе. Да биде снабдена аптеката во секој момент тоа бара посветеност и добро планирање. А кога се работи за ланци од 10 па до повеќе од 100 аптеки тоа бара систем на планирање, управување и контрола.

Кои се дамите што се грижат за нашите аптеки?

Најголем број од македонските аптеки ги управуваат сестрите Механџиски. Тоа се Христина Механџиска – Ѓоргиевска и Викторија Механџиска, наследнички на Благоја Механџиски Зегин еден од најголемите претприемачи во Македонија. Во свој посед сестрите Механџиски имаат 78% од синџирот аптеки „Зегин Фарм“. Тоа е најпознатиот македонски аптекарски бренд. Под него работат 77 аптеки ширум земјава кои вработуваат 553 лица. Воедно сестрите Механџиски ја поседуваат и аптекарската компанија која работи под брендот „Моја Аптека“. Тоа се уште 110 аптеки и 585 вработени ширум земјава.

Аптекарска компанија со најголем број аптеки во Македонија е „Еурофарм“ Битола. Има 123 аптеки ширум земјава и вработува 520 лица. Сопственичка на „Еурофарм“ е Ангелка Белазелкоска.

Во најголемите пет аптекарски компании се уште „Виа фарм“ од Вевчани и „Виола“ од Скопје. Сопственична на „Виа Фарм Вевчани“ е Марица Угриновска Баткоска. Нејзината компанија вработува 65 лица во 19 аптеки во земјава.

Марија Фидановска е сопственичка на компанијата „Виола“ со седиште во Скопје. Таа фирма вработува 54 лица и има 14 аптеки.