ФАКТОР НА ДЕНОТ: Адвокатите имаат многу забелешки за обвинението за пожарот во „Пулс“

Добивај вести на Viber

АДВОКАТИТЕ ИМААТ ЗАБЕЛЕШКИ ЗА ОБВИНЕНИЕТО ЗА ПОЖАРОТ ВО КОЧАНИ

Адвокатот Петре Шилегов остро го оспори обвинителниот акт за пожарот во кочанскиот ноќен клуб „Пулс“, оценувајќи дека документот е правно слаб и непрофесионално изработен. На денешното рочиште, тој посочи дека судот е соочен со задача да донесе пресуда што ќе биде правно издржана и фер и кон оштетените и кон обвинетите.

Шилегов истакна дека неговиот клиент, Шефкет Хазари, не смее да биде жртва на погрешно оформено обвинение.

„Судот е исправен пред предизвик да донесе правно одржлива пресуда што барем делумно ќе им донесе утеха на оштетените, но таквата пресуда не смее да создаде неправда, особено не кон Хазари“, рече адвокатот.

ЗИМЗОЛЕНД ПОД ЛУПА НА ИНСТИТУЦИИТЕ

По серијата реакции од жителите на Лисиче околу функционирањето на забавниот парк „Зимзоленд“ и дилемите за тоа кој е одговорен за неговото поставување и контрола, надлежните институции спроведоа вонреден и координиран инспекциски надзор на локацијата. 

ОЈО ИЗЛЕЗЕ СО ДЕТАЛИ ЗА МАЖОТ КОЈ СЕ ЗАКАНУВАШЕ НА НОВИНАРИТЕ ОД ИНФОМАКС

Основното јавно обвинителство Скопје поведе постапка против едно лице за кривично дело – Насилство од член 386 став 3 во врска став 1, како и кривично дело – Спречување на службено лице во вршење службено дејствие од член 382 став 3 во врска со 1 од Кривичниот законик.

„Осомничениот делото го извршил синоќа, во просториите на студиото на Инфомакс, во моменти додека се емитувала онлајн програма во живо. Тој ја обил надворешната врата во дворот, како и уште две врати на објектот, влегол внатре и започнал со  насилничко и агресивно однесување,  заканувајќи им се на двајца новинари, гостин и уште еден вработен дека ќе ги убие поради искажани навреди за премиерот. Започнал да замавнува и да пробува да се пробие и да дофати еден од новинарите, фрлал со чаши кон нив, ги влечел и ги туркал додека не го изнеле надвор и не повикале полиција. Како резултат на настанот, новинарите биле спречени во извршувањето на нивната службена должност, односно морале да го прекинат емитувањето на програмата. Исто така, од чинот на насилство сите присутни се почувствувале исплашени и загрозени за своите животи и за својата безбедност“, велат од ОЈО. 

СДСМ ЈА ОБЈАВИ РЕЗОЛУЦИЈАТА ЗА МИГРАНТИТЕ

СДСМ ја објави резолуцијата за мигрантите и очекува ВМРО-ДПМНЕ да ја потпише. 

Опозициската партија попладнево го објави тој документ и рече дека очекува пратениците од власта да го потпишат.

Еве ја резолуцијата:

1. СЕ ЗАБРАНУВА ПРИФАЌАЊЕ НА ДЕПОРТИРАНИ ЛИЦА ОД ТРЕТИ ЗЕМЈИ, КАКО И ЛИЦА ЗА КОИ Е УТВРДЕНО ДЕКА НЕМА ПРАВНА ОСНОВА ДА ОСТАНАТ ВО ТРЕТИ ЗЕМЈИ – Собранието констатира дека Република Северна Македонија нема да прифаќа изградба на прифатни центри, станови, кампови или „хабови“ наменети за трајно или привремено сместување на мигранти депортирани од други држави (вклучително и Обединетото Кралство), кои немаат потекло од или директна врска со нашата држава.

ЧИТАЈТЕ УШТЕ

Околу една милијарда и сто милиони евра е последниот долг како обврска што го има јавното претпријатие „Државни патишта“  Објавениот резултат од последниот квартал со кој е завршена минатата година покажува вкупни обврски од 66 милијарди денари и раст од 10 отсто.

Јавните чет ботови како ChatGPT и сличните алатки засега не може да го заменат вашиот адвокат или правен советник бидејќи имаат тенденција да измислуваат правни анализи, цитираат непостоечки членови од закони и регулативи и може сосема погрешно да ве насочат за решавање на вашиот правен проблем или дилема.