ФАКТОР НА ДЕНОТ: Бугарскиот амбасадор Радуков одбил да ја прими протестната нота од МНР
Објавено во: Македонија 16 Септември, 2024
БУГАРСКИОТ АМБАСАДОР НЕ ЈА ПРИMИ ПРОТЕСТНАТА НОТА
Министерството за надворешни работи(МНР) ѝ врачи протетстна нота на Бугарија, но амбасадорот Желазко Радуков одби да ја прими.
Бидејќи немаше македонското знаме на средбата меѓу претседателката Гордана Сиљановска - Давкова и бугарскиот претседател Румен Радев минатата недела во Софија, денеска во МНР е повикан новоименуваниот бугарски амбасадор во земјава Радуков, за да му биде врачена протестна нота. Тој одби да ја прифати протестната нота.РАДЕВ ВЕЛИ ПОСЕТАТА БИЛА НЕОФИЦИЈАЛНА
Бугарскиот претседател Румен радев денеска порача дека посетата на македонската претседателка Гордана Сиљановска Давкова била неофицијална и затоа немало истакнато македонско знаме.
Неистакнувањето на македонското знаме во Софија предизвика големи реакции во јавноста, а Радев сега вели дека ова не било ниту државна, ниту работна посета на претседателката Сиљановска-Давкова.ОДЛОЖУВАЊЕ НА ЕСЕНСКАТА ПОТРОШУВАЧКА КОШНИЧКА
Премиерот Христијан Мицкоски најави одложување на почетокот на „есенската потрошувачка кошничка“ со замрзнување на цените или намалување на маржите на одредени производи, затоа што се уште се усогласувале ставовите со трговците и производителите.
„Ние сме подготвени за разговор, ние не сакаме на сило ништо да направиме, туку да најдеме заедничко решение.Не е поентата сега ние како влада на сила да ги правиме работите. Знам дека во минатото на сила се правеа работите. Ние имаме намера да разговараме со сите засегнати страни и сите заедно да направиме нешто добро за државата. Јас не мислам Не сакаме трговците и производителите да бидат исфрустрирани поради таквиот однос на владата“, рече Мицкоски денеска како одговор на новинарско прашање пред средбата со германската стопанска комора.БУРАТА БОРИС НАПРАВИ ПУСТОШ ВО ПОВЕЌЕ ЗЕМЈИ И ОДНЕСЕ ЖРТВИ
Во Полска, водата однесе автомобил со деца.
Поради пукањето на браната во близина на границата меѓу Полска и Чешка, наредена е итна евакуација.
ЧИТАЈТЕ УШТЕ
Во најновиот само што објавен записник од една од последните седници на Владата е објавено дека ќе се аплицира за почетни грантови за нови електроенергетски проекти поврзани со работењето на АД ЕСМ и АД МЕПСО.Во називот на јавната набавка стои дека 30 ЛЦД телевизори со 80 сантиметарски екрани (во дијагонала н.з.) се набавуваат (цитираме) „За потреби на Кабинетот на претседател на Собрание“. Според усното објаснување што го добивме од прес службата на Собрание набавката на телевизори била за потребите на Собранието, а не за Кабинетот на Гаши.