TAРАВАРИ: Данела Арсовска е промашена инвестиција
Објавено во: Македонија 16 Септември, 2024
Според министерот за здравство, Арбен Таравари, скопската градоначалничка Данела Арсовска е промашена инвестиција, но мандатот на градоначалниците треба да го одзема само оној што им го дал. Вели дека граѓаните треба да го одземат мандатот на оние за кои гласале.
„Градоначалничката на Град Скопје е промашена инвестиција, но народот никогаш не греши дури и кога ќе избере некој што не е како што треба“, вели Таравари.
Тој го коментира предлогот на градоначалникот на Кисела Вода и претседател на ЗЕЛС, Орце Ѓорѓиевски, за измени во Законот за локална самоуправа со кои ќе се овозможи смена на градоначалник. За работењето на Арсовска имаше многу поплаки.