МИЦКОСКИ НАЈАВИ ДЕМАРШ ДО БУГАРИЈА: Нема веќе меѓународна политика и дипломатија со свиткана кичма
Објавено во: Македонија 16 Септември, 2024
Maкедонија ќе упати демарш затоа што на средбата на македонската претседателка Гордана Сиљановска-Давкова со бугарскиот колега Румен Радев во Софија минатата недела немаше македонско знаме.
Премиерот Христијан Мицкоски вели дека нема повеќе меѓународна политика и дипломатија со свиткана кичма, секогаш ќе реагираат кога црвените линии ќе се поминат и затоа денеска ќе му биде врачен демарш на бугарскиот амбасадор, Желаско Радуков.
„Во минатото кога се понижуваше и се распродаваше македонското достоинство, тогаш се молчеше се виткаше кичма и се соблазнуваа со тие кои нè понижуваа и газеа. Сега се решаваат на овој начин, дипломатски, се испраќаат протестни ноти, нема веќе меѓународна политика и дипломатија со свиткана кичма. Треба да се реагира кога ќе се помине рубиконот, оти ако не реагирате, тој исклучок ќе стане пракса“, рече Мицкоски.
Тој вели дека во целата ситуација нему му е поважно што светот ги видел вистинските намери на Бугарија кон Македонија.
„Европа и светот на можеа да видат на отворена сцена, а тоа го очекувавме, кои се вистинските намери на водството во Софија, не се Бугарите во Устав, тоа е најмалиот проблем, таму е многу поголема потребата да покажат мускули. Ги покажаа своите вистински намети и светот и Европа можеа да видат дека тоа е многу повеќе од уставните измени“, рече премиерот.
Радуков ќе биде примен од директорот на Директоратот за регионална соработка во МНР и таму ќе му биде врачена приотестна нота – откако тој ќе се врати во државата, најави денеска од МНР.Минатата недела додека претседателката даваше изјава пред операта во Софија, бугарски националисти извикуваа дека бараат права за Бугарите во Македонија.
фото Фејсбук/Христијан Мицкоски