„ОСТАНАА 10 - 15 НЕРАЗРЕШНИ ДИРЕКТОРИ“: Таравари вели наскоро цел Клинички центар ќе има еден директор
Објавено во: Македонија 16 Септември, 2024
Еден директор за цел Клинички центар најавува министерот за здравство Арбен Таравари кој посочи дека ваквото решени наскоро ќе почне да се применува. Исто така дополни дека неколку болници ќе се спојат со здравствени домови.
Одговорајќи на новинарски прашања по промоцијата на новиот микроскоп во државната Очна клиника, Таравари потсети дека кога бил министер за здравство во 2017 година разрешил околу 30 економски директори. Неразрешени останале, рече, уште 10 до 15.
Според Таравари, има јасна анализа колку пари чиниле старо-новите советници кои претходно биле економски директори.
- Еден директор приближно примал плата околу 1.500 евра, па пресметајте. Но, наскоро ќе има еден директор на цел Клинички центар и неколку болници ќе се спојат со здравствени домови.
Мислам дека сумата е значајна и со тие пари место да ги добива некој што може да биде одговорен во администрација на Клиниката, да не биде директор, би плаќале повеќе инвестиции во здравството, нови апарати, нови згради, реновирање клиники и јавни здравствени институции,...
Целта беше таа, не е од сега таа цел. И во 2017 година кога бев министер за здравство разрешив сигурно околу 30 директори, останаа уште 10 - 15 неразрешени - истакна Таравари.
Можеби ќе ве интересира
ФАКТОР НА ДЕНОТ: Бугарскиот амбасадор Радуков одбил да ја прими протестната нота од МНР
СЕМЕЈНИ ПРИЧИНИ ИЛИ ОБРАЗОВАНИЕ: Над 30.000 македонски граѓани лани за прв пат добиле дозвола за престој во EУ
МНР УПАТИ ПРОТЕСТНА НОТА: Бугарскиот амбасадор не ја прифатил
МИЦКОСКИ НАЈАВИ ДЕМАРШ ДО БУГАРИЈА: Нема веќе меѓународна политика и дипломатија со свиткана кичма
Се огласи Радев, посетата на Сиљановска Давкова била неофицијална
ДО КРАЈ НА ГОДИНАТА ДА СЕ ВРАБОТАТ ПРВИТЕ 300 ДОКТОРИ СПЕЦИЈАЛИЗАНТИ - за останатите ќе се бара решение следната година
Хируршките сали без компресорска станица до крајот на годината
„ОД ФОНДОТ ЗА ИНОВАЦИИ ПАРИ ЗЕМАЛЕ И ЗА ЛЕПЕЊЕ ПЛАКАТИ НА ТАКСИ ВОЗИЛА“ - министерот Андоновски со сериозни обвинувања
