ФАКТОР НА ДЕНОТ: Денеска над 600 заразени, Спасовски позитивен на коронавирусот

Добивај вести на Viber

ЗА 24 ЧАСА ИМА 628 ЗАРАЗЕНИ СОКОРОНАВИРУСОТ

Министерството за здравство информира дека во последните 24 часа се направени 2236 тестирања, а регистрирани се 628 нови случаи на ковид-19 во: Скопје-353, Куманово-33, Штип-13, Прилеп-36, Тетово-33, Струга-11, Велес-34, Битола-28, Охрид-17, Кавадарци-7, Гостивар-7, Струмица-20, Крива Паланка-6, Радовиш-2, Пробиштип-3, Демир Хисар-1, Македонски Брод-2, Берово-2, Виница-1, Делчево-4, Свети Николе-6, Кичево-6, Ресен-1, Неготино-2.

Денеска Институтот за јавно здравје регистрира 531 оздравени пациенти од: Скопје-281, Куманово-18, Дебар-12, Штип-6, Прилеп-9, Тетово-31, Струга-4, Велес-9, Битола-15, Охрид-8, Кавадарци-9, Гостивар-11, Гевгелија-10, Струмица-14, Крива Паланка-12, Радовиш-3, Кочани-15, Пробиштип-1, Пехчево-2, Берово-9, Валандово-2, Виница-6, Делчево-31, Кратово-1, Свети Николе-3, Кичево-7, Неготино-2.

ОЛИВЕР СПАСОВСКИ Е ПОЗИТИВЕН

Министерот за внатрешни работи Оливер Псасовски објави дека е позитивен на Ковид-19 и дека вече е во домашна самоизолација.

„Почитувани, би сакал да ве информирам дека и покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19.

НОВИ ЧЕТИРИ ПРАТЕНИЦИ ВО СОБРАНИЕТО

Четворица нови пратеници влегуваат во Собранието. 

Станува збор за Мирче Аџиоски од ВМРО-ДПМНЕ, Рина Ајдари од ДУИ, и Мирослав Јовановиќ и Лидија Тасевска од Коалицијата „Можеме“. Информацијата денеска ја потврдија од Државната изборна комисија.

Тие доаѓаат на местото на Игор Дурловски од ВМРО-ДПМНЕ, Бајрам Реџепи од ДУИ и Мухамед Зекири и Сања Лукаревска од СДСМ, кои последниве два дена си поднесоа оставки. 

Координаторот на пратеничката група на СДСМ Јован Митрески објави фотографии со нив и им поскапа успех.

АНГЕЛОВ ШОКИРАН ЗАТОА ШТО ПОЧИНА ПРИПАДНИК НА „ТИГРИТЕ“

Генерал Стојанче Ангелов се прости од поранешниот припадник на Тигрите, Игор Ангеловски, кој почина од ковид.

Како што објави Фактор, тој немал ниту еден коморбидитет. 

„Од Ковид 19 почина Игор Ангеловски - Гиле (41) поранешен припадник на т.н. единица "Биди Тигар", формирана во втората половина на 2001 година во склоп на ЕСЗ Тигар.

ЧИТАЈТЕ УШТЕ

Повторно нема правда за угостителите. Иако Комисијата за заразни болести препорача после 23 часот да не смеат да работат сите економски оператори, на крај Владата „пресече“ дека оваа рестрикција ќе важи само за локалите, кафе баровите и рестораните.

Земјоделството како една од најзастапените гранки во македонската економија се соочи со сопствени предизвици со корона кризата.

Еден од најпознатите македонски бизнисмени Кирил Лазаров, сопственик на националната агенција за обезбедување на лица и имот „НИКОБ“, која воедно е најголем домашен работодавач во Македонија, е основач на три компании во еден ден. Во друштвата за трговија со гас, производство на електрична енергија и трговија со опрема, младиот струмички бизнисмен е или сопственик или управител, а сите се регистрирани на иста адреса.

Меѓу вчерашната црна бројка од 15 починати, е и 41-годишниот Игор Ангеловски од Велес, кој со Ковид-19 се борел повеќе од 20 дена. Од велешката болница за Фактор изјавија дека кај нив бил хоспитализиран на 7.октомври, но по една недела, откако состојбата му се влошила, пациентот итно бил префрлен на Клиниката за инфективни болести во Скопје.

Најверојатно во првите денови на ноември, кабелските оператори во земјава повторно ќе бидат принудени да ги исклучат телевизиските канали, што ќе значи информативен мрак за гледачите. Или, нив да им остане за гледање само МТВ, односно јавниот сервис.

По сè полошата епидемиолошка состојба во Македонија, целосна мобилизација најавија здравствените власти и во однос на проширување на болничките капацитети, и во однос на зголемување на бројот на тестирањата, но и во однос на вклучување во дежурствата во болниците на приватните интернисти кои соработуваат со Фондот за здравствено осигурување. Состанокот со нив е договорен за утре, точно напладне.

Преведувачите кои преведуваат од македонски на бугарски јазик и обратно, велат дека тоа што одредени структури во Бугарија го спорат македонскиот јазик е политички, а не реален проблем.