ФАКТОР НА ДЕНОТ: Десетти ден протести, Османи вети дека ќе го објават протоколот пред да го потпишат

Добивај вести на Viber

СЕ ОДРЖА ДЕСЕТТИОТ ПРОТЕСТ ПРОТИВ ФРАНЦУСКИОТ ПРЕДЛОГ

Новинарот Горан Момироски вечерва на протестот пред Собранието праша дали револуционерите Питу Гули и Гоце Делчев немале алтернатива, а Владата постојано вели дека алтернатива нема. 

Тој порача дека оставка не е доволна, туку некој треба да одговара за ова велепредавство. Вели дека овој народ имал предавници отсекогаш, а сега ги има Љупчо Георгиевски од Делчево, Зоран Заев од Муртино, Стево Пендаровски од Автокоманда и Димитар Ковачевски од Куманово. 

ОСМАНИ ОБЈАВИ ДЕКА ЌЕ ГО ОБЈАВАТ ПРОТОКОЛОТ ПРЕД ДА ГО ПОТПИШАТ

Шефот на дипломатијата, Бујар Османи за ТВ24 изјави дека протоколот ќе биде објавен пред да биде ставен потпис на него.

„Ветувам, протоколот ќе го објавиме пред да ставиме потпис“, рече Османи.

УТРЕ ДОАЃА ФОН ДЕР ЛАЈЕН, СПАСОВСКИ ПРЕЗЕМА МЕРКИ ЗА БЕЗБЕДНОСТ

Полицијата ќе ги преземе сите мерки за безбедност на пратениците и Собранието. Ова го најави министерот за внатрешни работи, Оливер Спасовски. 

Министерот апелираше до учесниците, а пред сè до организаторите на протестите да направат сè овие собири да минат на мирен и достоинствен начин.

ЧИТАЈТЕ УШТЕ

Најголемите компании за коцкање и обложување во Македонија се поседувани од домашни лица. Но најпрофитабилните фирми се Државната лотарија и Државната видеолотарија

Прв пат по 20 години, курсот на еврото и американскиот долар се изедначи во вторникот. Вредноста на еврото се намали за 12 проценти во споредба со неговата вредност на почетокот на годината. Со ова еврото се изедначи со доларот. 

Во однос на говорењето на странски јазици сме многу далеку зад Летонците, Литванците, Финците, Данците, Швеѓаните, Малтежаните, Словенците, а подобри сме од Бугарите и Романците.

На крајот на јуни, Владата донесе одлука за испраќање хуманитарна помош за Украина која се состои од лекови во вредност од околу 44.000 евра. Во одговор за Фактор, од Владата потврдуваат дека помошта е веќе пристигната во земјата, а македонските власти се подготвуваат да обезбедат уште една помош во лекови.